Robin Radhakrishnan | ആ ശുഭമുഹൂർത്തം ഇതാ, ബിഗ് ബോസ് താരം റോബിൻ രാധാകൃഷ്ണനും ആരതി പൊടിയും തമ്മിൽ വിവാഹനിശ്ചയം കഴിഞ്ഞു

ബിഗ് ബോസ് മലയാളം കഴിഞ്ഞ സീസണിലെ ഏറെ ചർച്ചചെയ്യപ്പെട്ട വ്യക്തിയായിരുന്നു ഡോ: റോബിൻ രാധാകൃഷ്ണൻ (Dr Robin Radhakrishnan). റോബിന് സോഷ്യൽ മീഡിയയിൽ ഒട്ടേറെ ആരാധകരുണ്ട്. ആരതി പൊടിയുമായുള്ള റോബിന്റെ പ്രണയം സോഷ്യൽ മീഡിയ ആരാധകർ ഏറെ ആഘോഷിച്ചതാണ്. ഇന്ന് റോബിൻറെയും ആരതിയുടെയും ജീവിതത്തിലെ അസുലഭ മുഹൂർത്തം വന്നെത്തിക്കഴിഞ്ഞു. ഇരുവരുടെയും വിവാഹനിശ്ചയം കഴിഞ്ഞു

ഒരേ നിറമുള്ള വസ്ത്രങ്ങൾ അണിഞ്ഞ്, ആരതിയെ ചേർത്ത് പിടിച്ചുള്ള റോബിന്റെ ഫോട്ടോയാണ് സോഷ്യൽ മീഡിയയിൽ എത്തിയ വിവാഹനിശ്ചയ ചിത്രം. ലെഹങ്കയാണ് ആരതിയുടെ വേഷം. റോബിൻ ധരിച്ചത് കുർത്തയായിരുന്നു (തുടർന്ന് വായിക്കുക)

പ്രൊഫഷണൽ ജീവിതത്തിലെ നേട്ടങ്ങൾക്കു ശേഷം താൻ വ്യക്തിജീവിതം ആരംഭിക്കാൻ പോകുന്നുവെന്ന് ആരതി ഈ ചിത്രം പോസ്റ്റ് ചെയ്ത് ക്യാപ്‌ഷൻ നൽകിയിരുന്നു. താൻ ഏറെ സ്നേഹിക്കുന്നയാളെയാണ് പങ്കാളിയായി ലഭിക്കാൻ പോകുന്നതെന്നും ആരതി കുറിച്ചു

കഴിഞ്ഞ ദിവസം ഈ വിവാഹനിശ്ചയ മോതിരങ്ങളുടെ ചിത്രങ്ങൾ പോസ്റ്റ് ചെയ്താണ് റോബിൻ ജീവിതത്തിലെ അസുലഭ മുഹർത്ഥത്തെക്കുറിച്ച് ആരാധകർക്ക് സൂചന നൽകിയത്

വിവാഹ നിശ്ചയം പെട്ടെന്ന് ഉണ്ടാകും എന്നതിനാൽ ഒരു സിനിമയുടെ ഭാഗമായി റോബിൻ അതുവരെ കൂട്ടിവന്ന ശരീരഭാരം പെട്ടെന്ന് കുറയ്ക്കുകയുണ്ടായി

ഫാഷൻ ഡിസൈനർ ആയ ആരതി പൊടി സോഷ്യൽ മീഡിയയിൽ സജീവമാണ്. ഇരുവരും ഒന്നിച്ചുള്ള ചിത്രങ്ങളും മറ്റും ആരാധകർക്കിടയിൽ ശ്രദ്ധ നേടാറുണ്ട്

നടൻ മോഹൻലാലിനൊപ്പം റോബിൻ രാധാകൃഷ്ണനും, ആരതി പൊടിയും