Deepika Padukone | ദീപിക പദുകോൺ നിറവയർ മറച്ചുപിടിക്കാൻ ശ്രമിക്കുന്നോ? ഗർഭിണിയെന്ന വാർത്തയെ പിന്താങ്ങുന്ന ദൃശ്യങ്ങൾ പുറത്ത്

നടി അനുഷ്ക ശർമ്മ രണ്ടാമത്തെ കുഞ്ഞിന് ജന്മം നൽകിയ വാർത്ത എങ്ങും പ്രചരിക്കുമ്പോൾ ബോളിവുഡ് മറ്റൊരു താരപുത്രിക്കോ പുത്രനോ വേണ്ടി കാത്തിരിപ്പ് ആരംഭിച്ചു എന്ന് റിപ്പോർട്ട്. നടി ദീപിക പദുകോണും (Deepika Padukone) ഭർത്താവ് രൺവീർ സിങ്ങും (Ranveer Singh) അവരുടെ ആദ്യത്തെ കണ്മണിക്കായി തയാറെടുത്തുകഴിഞ്ഞു എന്ന് റിപോർട്ടുകൾ സൂചിപ്പിക്കുന്നു. ദീപികയുടെ അടുത്തിടെയായുള്ള പൊതുപരിപാടികളിലെ ലുക്ക് ഇത് ശരിവെക്കുന്ന തരത്തിലാണ്

വയറു മറച്ചു പിടിക്കുന്ന തരത്തിലാണ് ദീപികയുടെ വസ്ത്രധാരണം. എന്നാൽ ദമ്പതികൾക്ക് അധികകാലം ഇക്കാര്യം മറച്ചു വെക്കാനാകുമോ എന്നാണ് ആരാധകരുടെ ചോദ്യം. ഗ്ലാമർ വസ്ത്രങ്ങൾ ധരിക്കുന്നതിൽ പേരുകേട്ട ദീപിക പദുകോൺ ഇപ്പോൾ അയഞ്ഞ വേഷങ്ങൾ തിരഞ്ഞെടുക്കുന്നതിൽ കൂടുതൽ ശ്രദ്ധ പുലർത്തുന്നു (തുടർന്ന് വായിക്കുക)

കഴിഞ്ഞ ദിവസം ബാഫ്റ്റ പുരസ്‌കാര വേദിയിൽ നിന്നും വിമാനത്താവളത്തിലെത്തിയ ദീപികയുടെ ദൃശ്യമാണ് നിങ്ങൾ ആദ്യം കണ്ടത്. ശരീരത്തോട് ചേർന്ന് കിടക്കാത്ത ഒരു ടോപ്പും പാന്റുമാണ് ദീപികയുടെ വസ്ത്രം. ഇതിന്റെ ഒപ്പം അവർ മുഖത്തൊരു കൂളിംഗ് ഗ്ലാസ് കൂടി ധരിച്ചിരിക്കുന്നു. വയറിന്റെ ഭാഗത്ത് വേഷം തീരെ അയഞ്ഞു കിടക്കുന്നതും ദൃശ്യത്തിൽ നിന്നും വ്യക്തം. അതിനു ശേഷം ദീപിക പോസ്റ്റ് ചെയ്ത സാരി ലുക്കിലെ ചിത്രമാണിത്

മുന്നിൽ നിന്നുള്ള ക്ലിക്കുകളേക്കാൾ ദീപിക തിരഞ്ഞെടുത്തത് പിറകിൽ നിന്നും ക്യാമറ പതിയുന്ന തരത്തിലെ ഷോട്ടുകൾക്കാണ്. മുന്നിൽ നിന്നും പകർത്തിയ ഒരേയൊരു ചിത്രത്തിൽ മുന്താണി കൊണ്ട് വയറു മറച്ചുപിടിച്ചത് ശ്രദ്ധേയം

താൻ കുഞ്ഞിനെ കുറിച്ച് സ്വപ്നം കാണാൻ ആരംഭിച്ചു എന്ന് കുറച്ചു നാളുകൾക്കു മുൻപ് ദീപിക ഒരു അഭിമുഖത്തിൽ വ്യക്തമാക്കിയിരുന്നു. നിലവിൽ ദീപിക രണ്ടാം ട്രൈമെസ്റ്ററിലേക്ക് കടന്നു എന്നാണ് റിപോർട്ടുളിലെ പരാമർശം. 'ദി വീക്ക്' ആണ് ദീപിക ഗർഭിണിയെന്ന വിശേഷം ആദ്യമായി റിപ്പോർട്ട് ചെയ്യുന്നത്

ബാഫ്റ്റ റെഡ് കാർപെറ്റിൽ ദീപിക മനഃപൂർവം തന്റെ നിറവയർ മറച്ചു പിടിക്കാൻ ശ്രമിക്കുന്ന ദൃശ്യങ്ങളും ഇന്റർനെറ്റിൽ തരംഗമാണ്. പരിപാടിയിൽ പുരസ്‌കാരം സമ്മാനിക്കുന്നതിനായി എത്തിച്ചേർന്ന ക്ഷണിതാക്കളിൽ ഒരാൾ ദീപികയായിരുന്നു

2018ൽ ഇറ്റലിയിൽ വച്ചായിരുന്നു ദീപിക, രൺവീർ ആർഭാട വിവാഹം. രണ്ടാചാരങ്ങളിലും വിവാഹം നടന്നിരുന്നു. ആറു വർഷത്തെ പ്രണയത്തിനൊടുവിലാണ് ദീപികയും രൺവീർ സിങ്ങും വിവാഹം ചെയ്തത്

സഞ്ജയ് ലീല ബൻസാലി ചിത്രം 'റാം ലീലയുടെ'സെറ്റിൽ വച്ചാണ് ദീപികയും രൺവീറും ആദ്യമായി കണ്ടുമുട്ടുന്നത്. റോമിയോ ജൂലിയറ്റ് കഥയുടെ പുനഃരാവിഷ്കാരമായിരുന്നു ഈ ചിത്രം. അതിനു ശേഷം ബാജിറാവു മസ്താനി, പത്മാവത് തുടങ്ങിയ സിനിമകളിലും ഇവരെ ഒന്നിച്ചു കണ്ടു