ഓൺലൈൻ ക്‌ളാസ് എടുക്കുന്ന ടീച്ചറെ 'ബ്ലൂ ടീച്ചറാക്കി' ഫെയ്‌ക് അക്കൗണ്ടുകൾ; ഇതോ സമ്പൂർണ്ണ സാക്ഷരത എന്ന് സോഷ്യൽ മീഡിയ

ഒന്നാംക്‌ളാസ്സുകാർക്ക് തങ്കു പൂച്ചയുടെയും മിട്ടു പൂച്ചയുടെയും കഥ പറഞ്ഞു കൊടുത്ത സായ് ശ്വേത ടീച്ചർ ആയിരുന്നു ഇന്നലെ സോഷ്യൽ മീഡിയയിലെ പ്രധാന താരം. ശ്വേത ടീച്ചർക്ക് ട്രോളുകൾ കിട്ടിയെങ്കിലും അതിലും വലിയ ആക്രമണം നേരിടേണ്ടി വന്നിരിക്കുകയാണ് പ്ലസ് ടുക്കാർക്ക് ഇംഗ്ലീഷ് ക്ലാസ് എടുത്ത  അദ്ധ്യാപികക്ക് 

നീല നിറത്തിലെ സാരിയണിഞ്ഞ ടീച്ചറെ 'ബ്ലൂ ടീച്ചർ' ആക്കി സോഷ്യൽ മീഡിയയിൽ ഫേക്ക് അക്കൗണ്ടുകളുടെ പൂരമാണ്. പ്രമുഖ സമൂഹ മാധ്യമങ്ങളിലെല്ലാം ഒറ്റ ദിവസം കൊണ്ട് 'ബ്ലൂ ടീച്ചർ' അക്കൗണ്ടുകൾ നിറഞ്ഞു കവിഞ്ഞു

അശ്‌ളീല ചുവയോടു കൂടിയുള്ള കമന്റുകളും പ്രയോഗങ്ങളുമായും ഇതിന്റെ പിന്നിൽ ആളുണ്ട്

ഈ അക്കൗണ്ടുകൾക്കെതിരെ കടുത്ത വിമർശനമാണ് കലാ സാംസ്കാരിക മേഖലയിൽ നിന്നുമുള്ളവർ സോഷ്യൽ മീഡിയയിൽ ഉയർത്തുന്നത്. സമ്പൂർണ്ണ സാക്ഷരത നേടിയ കേരളത്തിലെ അവസ്ഥായാണോ ഇതെന്ന് ചോദിക്കാതിരിക്കാനാവുന്നില്ല പലർക്കും

മലയാളം കലരാതെ ഇംഗ്ളീഷിൽ തന്നെ ക്‌ളാസുകൾ കൈകാര്യം ചെയ്ത പ്ലസ് ടു ഇംഗ്ലീഷ് അധ്യാപകർ ആദ്യദിനം ശ്രദ്ധ നേടിയിരുന്നു

കോഴിക്കോട് അദ്ധ്യാപികയായ സായ് ശ്വേത ടീച്ചർ പക്ഷെ തന്നെ ട്രോളിയവർക്കെല്ലാം ഫേസ്ബുക്കിലൂടെ നന്ദി അറിയിച്ചിട്ടുണ്ടായിരുന്നു