ആധാർ കാർഡിലെ പേര് മാറ്റുന്നത് ഇനി എളുപ്പമല്ല; പുതിയ നിയന്ത്രണങ്ങളുമായി കേന്ദ്രം

ആധാർ സേവനങ്ങൾ വേ​ഗത്തിലും എളുപ്പത്തിലും അറിയുന്നതിനും മാറ്റങ്ങൾ വരുത്തുന്നതിനുമായി പുതിയ ആധാർ മൊബൈൽ ആപ്പ് കേന്ദ്ര സർക്കാർ പുറത്തിറക്കിയിട്ടുണ്ട്. ഡിജിറ്റൽ അറസ്റ്റ് ഉൾപ്പെടെ നിരവധി തട്ടിപ്പുകൾ നടക്കുന്ന സാഹചര്യത്തിലാണ് കേന്ദ്രം പുതിയ നിയന്ത്രണങ്ങൾ കൊണ്ടുവന്നിരിക്കുന്നത്. ഈ നിയന്ത്രണം തട്ടിപ്പുകൾ തടയാൻ സഹായിക്കുമെന്നാണ് വിലയിരുത്തൽ.

പുതിയ നിയന്ത്രണങ്ങളിൽ വിലാസം ഉൾപ്പെട്ടിട്ടില്ല. വിലാസം മാറ്റുന്നതിന് നിലവിൽ പരിധിയില്ലെന്നാണ് വിവരം. ആധാർ വിവരങ്ങൾ മാറ്റുമ്പോൾ ചില രേഖകൾ നിർബന്ധമായും അപ്ഡേറ്റ് ചെയ്യേണ്ടതുണ്ട്. വിലാസം മാറ്റാൻ വോട്ടർ ഐഡി, വൈദ്യുതി ബിൽ തുടങ്ങിയ രേഖകൾ ഉപയോ​ഗിക്കണം. അധാറിലെ രേഖകൾ തിരുത്താൻ പാസ്പോർട്ടും ഉപയോ​ഗിക്കാവുന്നതാണ്.

പുതിയ മൊബൈൽ ആപ്പ് വഴി വീട്ടിലിരുന്ന തന്നെ ആധാർ സേവനങ്ങൾ ലഭ്യമാക്കാം. പേര്, മൊബൈൽ നമ്പർ, വിലാസം തുടങ്ങിയവ മൊബൈലിലൂടെ പുതുക്കാനാകും.