Dowry | 'പുരുഷധനം' കുറഞ്ഞുപോയി; വിവാഹത്തിൽ നിന്നും വധു അവസാനനിമിഷം പിന്മാറി

സ്ത്രീധന (Dowry) വിഷയം പലപ്പോഴും വാർത്തകളിൽ ഞെട്ടലുളവാക്കുന്ന തരത്തിൽ കാണപ്പെട്ട സാഹചര്യങ്ങൾ കാലാകാലങ്ങളായി ഉണ്ടായിട്ടുണ്ട്. ഒട്ടേറെ പെൺകുട്ടികളുടെയും അവരുടെ കുടുംബാംഗങ്ങളുടെയും ജീവനപഹരിക്കാൻ തക്കവണ്ണമുള്ള വിപത്ത് കൂടിയാണ് സ്ത്രീധനം. എന്നാൽ വിവാഹത്തിന് സ്ത്രീ പുരുഷനോട് ഒരു 'പുരുഷധനം' ചോദിച്ചാലോ? അങ്ങനെയൊരു സംഭവംവാർത്തയായിരിക്കുന്നു

'പുരുഷധനം' എന്നാരും ഔദ്യോഗികമായി വിളിക്കില്ലെങ്കിലും, വിവാഹത്തിന് പുരുഷൻ സ്ത്രീയ്ക്ക് കൊടുക്കുന്ന പണമാണ് ഇവിടെ വിഷയം. പുരുഷൻ വധുവിന് പണം കൊടുത്തു എന്ന് മാത്രമല്ല, അതിഷ്‌ടപ്പെടാത്ത വധു അവസാന നിമിഷം വിവാഹം വേണ്ടെന്ന് വയ്ക്കുകയും ചെയ്തു (തുടർന്ന് വായിക്കുക)

ടൈംസ് ഓഫ് ഇന്ത്യ റിപ്പോർട്ടിലാണ് ഈ അപൂർവ സംഭവം റിപ്പോർട്ട് ചെയ്യപ്പെട്ടത്. വധുവിന് ആദ്യമേ രണ്ടു ലക്ഷം രൂപ നൽകിയത്രേ. ഇവിടെ ആചാരപ്രകാരം വധുവിന് വരൻ അങ്ങോട്ട് പണം നൽകുന്നതാണത്രേ പാരമ്പര്യം

വധുവിന് ഈ വിവാഹത്തിൽ താൽപ്പര്യമില്ല എന്ന് പറഞ്ഞതായി പോലീസ് മാധ്യമങ്ങളെ അറിയിച്ചു. ഹൈദരാബാദിലെ ഘട്ട്കേസറിലാണ് സംഭവം. ആശങ്കാകുലരായ വരന്റെ വീട്ടുകാർ എന്തുപറ്റി എന്ന് അന്വേഷിച്ചപ്പോഴാണ് വധുവിന്റെ തീരുമാനം എന്താണെന്ന കാര്യം അറിയാൻ സാധിച്ചത്

വധുവിന് കൂടുതൽ പണം വേണമെന്നറിഞ്ഞതും, വരനും കൂട്ടരും പന്തലുവിട്ടിറങ്ങി. അവർ നേരെ പോയത് പോലീസിന്റെ മുന്നിലേക്കാണ്. പോലീസും വധുവിന്റെ വീട്ടുകാരും തമ്മിൽ ചർച്ച നടക്കുകയും ചെയ്തു

വീട്ടുകാർ തമ്മിൽ സംസാരിച്ച് സംഭവത്തിൽ തീർപ്പുണ്ടാക്കി. ആരും പരാതി നൽകുകയോ, ആരെയും അറസ്റ്റ് ചെയ്യുകയോ ഉണ്ടായില്ല. ലഭിച്ച പണം പോരെന്നു തീരുമാനിച്ച വധു മണ്ഡപത്തിൽ വന്നില്ല. അവർക്ക് ആ വിവാഹത്തിൽ താല്പര്യമുണ്ടായിരുന്നില്ല എന്ന് പോലീസ് പറഞ്ഞു

ഇവിടെ ലിംഗവിവേചനം നടന്നു എന്ന് സോഷ്യൽ മീഡിയ ഉപയോക്താക്കൾ ആരോപണവുമായി രംഗത്തെത്തി. സ്ത്രീധന നിരോധന നിയമപ്രകാരം യുവതിക്കെതിരെ കേസ് എടുക്കണമെന്നും പലരും ആവശ്യപ്പെട്ടു