'ഫ്രഞ്ച് പത്രത്തിന്റെ ഫ്രണ്ട് പേജിൽ ഒരു ഫ്രീക്കൻ'; മമ്മൂട്ടിയുടെ ചിത്രം പങ്കുവച്ച് രമേശ് പിഷാരടി

ഒരു ഫോട്ടോ കൊണ്ട് പോലും സോഷ്യല്‍ മീഡിയയെ ഇളക്കി മറിക്കാന്‍ സാധിക്കും മലയാളികളുടെ സ്വന്തം മമ്മൂക്കയ്ക്ക്. യൂത്തന്‍മാര്‍ ഏറെയുള്ള മലയാള സിനിമയില്‍ ഫാഷന്‍ സെന്‍സ് കൊണ്ടും ലുക്ക് കൊണ്ടും മമ്മൂട്ടിയോട് പിടിച്ച് നില്‍ക്കാന്‍ ആരുമില്ലെന്ന് വീണ്ടും ഉറപ്പിക്കുകയാണ് അദ്ദേഹം.

എത്ര തിരക്കിനിടയിലും സുഹൃത്തുക്കൾക്കും കുടുംബത്തിനുമൊപ്പം സമയം ചിലവഴിക്കാൻ താരം ശ്രമിക്കാറുണ്ട്. അതിനുദാഹരണമാണ് അടുത്തിടെ താരത്തിന്റെ ബുഡാപെസ്റ്റിൽ നിന്നുള്ള ചിത്രങ്ങൾ.

ഇപ്പോഴിതാ ഇതുമായി ബന്ധപ്പെട്ട ഒരു ചിത്രമാണ് വൈറലായിരിക്കുന്നത്. നടനും സംവിധായകനുമായ രമേശ് പിഷാരടി പങ്കുവച്ച പത്രക്കട്ടിങ്ങാണ് ശ്രദ്ധ നേടുന്നത്.

ഫ്രഞ്ച് പത്രത്തിന്റെ ഫ്രണ്ട് പേജിൽ ഇടംനേടിയിരിക്കുകയാണ് മമ്മൂട്ടിയുടെ ചിത്രം. ഫ്രാൻസിലെ ന​ഗരത്തിലൂടെ നടക്കുന്ന മമ്മൂട്ടിയെയാണ് ചിത്രത്തിൽ കാണുന്നത്. ഭാര്യ സുൽഫത്തും താരത്തിനൊപ്പമുണ്ട്.

ഫ്രഞ്ച് പത്രത്തിന്റെ ഫ്രണ്ട് പേജിൽ ഫ്രണ്ടിനൊപ്പം ഫ്രഞ്ചിലൊരു ഫ്രീക്കൻ- എന്ന രസകരമായ കുറിപ്പിനൊപ്പമാണ് പിഷാരടി പത്രത്തിന്റെ ചിത്രം പങ്കുവച്ചത്.

അടുത്തിടെ അമ്മ യോ​ഗത്തിനെത്തിയ താരത്തിന്റെ ലുക്ക് വൻ വൈറലായിരുന്നു. വൈറ്റ് ഷർട്ടും പാന്റും ധരിച്ച് സ്റ്റൈലിഷ് ലുക്കിലാണ് താരം എത്തിയത്.