നരേന്ദ്ര മോദിയുടെ അമ്മയുടെ എഐ വീഡിയോ; കോൺഗ്രസിനെതിരെ ബിജെപി

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ അന്തരിച്ച അമ്മയെ ചിത്രീകരിച്ച് എഐ നിർമ്മിതമായ ഒരു വീഡിയോയെച്ചൊല്ലി കോൺഗ്രസും ബിജെപിയും തമ്മിൽ പുതിയ രാഷ്ട്രീയ പോര്. പ്രധാനമന്ത്രിയുടെ അമ്മയെ അപമാനിക്കുന്ന തരത്തിൽ കോൺഗ്രസ് വ്യക്തിപരമായ ആക്രമണങ്ങൾ നടത്തുകയാണെന്ന് ബിജെപി ആരോപിച്ചു. എന്നാല്‌‍‍ വീഡിയോയെ ന്യായീകരിച്ച് എത്തിയിരിക്കുകയാണ് കോൺ​ഗ്രസ്. വീഡിയോ ഒരു രക്ഷിതാവ് തന്റെ കുട്ടിയെ പഠിപ്പിക്കുന്നതിനെക്കുറിച്ചുള്ളതാണെന്നും, അതിൽ ആരും പ്രധാനമന്ത്രിയുടെ അമ്മയെ അനാദരിച്ചിട്ടില്ലെന്നും കോൺഗ്രസ് നേതാവ് പവൻ ഖേര പറഞ്ഞു.