SURIYA 38‌ | സൂര്യയുടെ നായികയായി അപർണ ബാലമുരളി വീണ്ടും തമിഴിൽ

തമിഴ് സൂപ്പർതാരം സൂര്യയുടെ അടുത്ത ചിത്രത്തിൽ അപർണ ബാലമുരളി നായിക.

സൂര്യ 38 എന്ന് താൽക്കാലികമായി പേരിട്ടിരിക്കുന്ന ചിത്രത്തിന്റെ പൂജ ഇന്ന് നടന്നു. സൂര്യയുടെ നിർമാണ കമ്പനിയായ 2ഡി എന്റർടെയിൻമെന്റാണ് നിർമാണം. 

സൂര്യക്കും കാർത്തിക്കും ഒപ്പം അപർണ ബാലമുരളി നിൽക്കുന്ന ചിത്രം സോഷ്യൽ മീഡിയയിൽ വൈറലായി. എയർ ഡെക്കാൻ സ്ഥാപകൻ ക്യാപ്റ്റൻ ഗോപിനാഥിന്റെ ജീവിതകഥയാണ് സിനിമ പറയുന്നതെന്നാണ് റിപ്പോർട്ടുകൾ.

ജി വി പ്രകാശാണ് ചിത്രത്തിനായി സംഗീത സംവിധാനം ചെയ്യുന്നത്. നിഖേത് ബൊമ്മിറെഡ്ഡി ഛായാഗ്രഹണം നിർവഹിക്കും.

മാധവനും ഋതിക സിംഗും തകർത്തഭിനയിച്ച ഇരുധിസൂട്ര് ചിത്രത്തിന്റെ സംവിധായക സുധാ കൊങ്കരയാണ് ഈ ചിത്രം സംവിധാനം ചെയ്യുന്നത്.

ഓസ്കർ ജേതാവായ സിഖ്യ എന്റർടെയിൻ‌മെന്റിന്റെ ഗുനീത് മോങ്കയും രാജശേഖർ കർപ്പൂര സുന്ദരപാണ്ഡ്യനും നിർമാണ പങ്കാളിത്തം വഹിക്കുന്നു.