'ഈ കേക്കിന് എന്നാ ഭാരമാന്നേ!' റിമി ടോമിയുടെ പിറന്നാൾ കേക്ക് എടുത്തുയുർത്തി മുക്തയുടെ മകൾ, ഒപ്പം റിമിയും മുക്തയും

സകുടുംബം പിറന്നാൾ ആഘോഷിച്ച് റിമി ടോമി. അനുജന്റെയും അനുജത്തിയുടെയും കുടുംബവും അമ്മയും റിമിയുടെ പിറന്നാൾ ആഘോഷങ്ങളിൽ നിറഞ്ഞ് നിന്നു. ഇത്തവണയും മുക്തയുടെ മകൾ കണ്മണി എന്ന കിയാര തന്നെയായി താരം

ഒരു വശത്ത് അമ്മയും മറുവശത്ത് അമ്മായിയും ചേർന്നാണ് കുഞ്ഞ് കൺമണിയെ കേക്ക് എടുത്ത് ഉയർത്താൻ സഹായിക്കുന്നത്. റിമിയുടെ വീട്ടിലെ കുട്ടിപ്പട്ടാളത്തിൽ ഒരാളാണ് കണ്മണി. ഇനി മറ്റൊരാൾ കൂടിയുണ്ട്

അനുജൻ റിങ്കുവിന്റെയും അനുജത്തി റിനുവിന്റേയും കുട്ടികളാണ് വീട്ടിലെ കുഞ്ഞുങ്ങൾ. കുട്ടാപ്പി എന്നാണ് റിമി അനുജത്തിയുടെ മകനെ പരിചയപ്പെടുത്തുന്നത്. റിമിയുടെ വീഡിയോകളിൽ കൂടുതലും കാണുന്നത് കുട്ടാപ്പിയെയാണ്

റിമിക്ക് വേണ്ടി പിറന്നാൾ ആഘോഷം ഒരുക്കുന്നതിന്റെ തിരക്കിൽ കുടുംബം. അമ്മയും സഹോദരങ്ങളും കുടുംബവുമാണ് ചിത്രത്തിൽ

പ്രിയപ്പെട്ട ചേച്ചിക്ക് മുത്തം നൽകി മുക്ത. 2009ൽ ഓസ്ട്രേലിയയിൽ വച്ചാണ് റിമിയുടെയും മുക്തയുടെയും ആദ്യ കൂടിക്കാഴ്ച. കഴിഞ്ഞ ദിവസം മുക്ത ആ ഓർമ്മചിത്രം പോസ്റ്റ് ചെയ്തിരുന്നു

അമ്മായിയമ്മ റാണിക്കൊപ്പം മുക്ത. റാണീമ്മ എന്ന് സ്നേഹത്തോടെ വിളിക്കുന്ന റിമിയുടെ അമ്മയുടെ പിറന്നാളും കഴിഞ്ഞ ആഴ്ചയായിരുന്നു

റിമിയുടെ പിറന്നാളിന് റിങ്കുവും മുക്തയും മകളും. 2015 ലാണ് റിമിയുടെ അനുജൻ റിങ്കു മുക്തയെ വിവാഹം കഴിക്കുന്നത്. ഇവർ അടുത്തിടെയാണ് അഞ്ചാം വിവാഹ വാർഷികം ആഘോഷിച്ചത്

ഇത്രയും നാൾ ആരാധകർ പോലും അറിയാത്ത ഒരു കാര്യവും റിമി ഈ പിറന്നാളിന് അവതരിപ്പിക്കുന്നുണ്ട്. അതറിയാനായി ആ കേക്കിലോട്ട് ഒന്ന് നോക്കിയാൽ മതി. റിമിയുടെ പേര് ശരിക്കും ഉച്ചരിക്കുന്നത് റീമി ടോമി എന്നാണ്. കേക്കിലെ പേരിന്റെ സ്‌പെല്ലിംഗും അതുതന്നെയാണ്