ആർദ്ര കേരളം പുരസ്കാരം 2023-24: മികച്ച ബ്ലോക്ക് പഞ്ചായത്തായി പള്ളുരുത്തി

കഴിഞ്ഞ അഞ്ചു വർഷങ്ങളിലായി വിവിധ പദ്ധതികളാണ് ബ്ലോക്ക് പഞ്ചായത്തിൻ്റെ കീഴിൽ നടപ്പിലാക്കി വരുന്നത്. ബജറ്റിൽ ഒരു കോടിയോളം രൂപയാണ് പള്ളുരുത്തി കുടുംബാരോഗ്യ കേന്ദ്രത്തിലെ വിവിധ സേവനങ്ങൾക്കായി മാറ്റി വെച്ചത്. ദൈനംദിന സേവനങ്ങൾ ജനങ്ങളിലെത്തിക്കുന്നതിനു പുറമെ കുടുംബാരോഗ്യ കേന്ദ്രത്തിൽ ഫിസിയോതെറാപ്പി സെൻ്റർ, അത്യാധുനിക ലബോറട്ടറി, എക്സറേ സംവിധാനം, 24 മണിക്കൂറും ഡോക്ടർമാരുടെ സേവനം, കിടത്തി ചികിത്സ, സൗജന്യ മരുന്നു വിതരണം, സെക്കണ്ടറി പാലിയേറ്റീവ് പരിചരണം, ശുചിത്വം, തുടങ്ങിയ വിവിധ പദ്ധതികളാണ് നടപ്പിലാക്കിയത്.