Paappan | 'പാപ്പൻ' ഡീഗ്രേഡ് ചെയ്യാൻ പല അക്കൗണ്ടിൽ നിന്നും കോപ്പി- പേസ്റ്റ് കമന്റ്; സ്ക്രീൻഷോട്ട് പുറത്ത്

സിനിമാ വ്യവസായത്തെ നശിപ്പിക്കുന്ന ഡീഗ്രേഡിങ് കമന്റുകൾക്ക് ഉരുളയ്ക്ക് ഉപ്പേരി എന്ന നിലയിൽ മറുപടി കൊടുക്കുകയാണ് 'പാപ്പൻ' (Paappan) ഫാൻസ്‌. കഴിഞ്ഞ ദിവസം സുരേഷ് ഗോപി (Suresh Gopi) ചിത്രം ഇറങ്ങുന്നതിനും ഒരു ദിവസം മുൻപേ പടം മോശമാണെന്ന നിലയിൽ ഇട്ട കമന്റ് ഫാൻസ്‌ കണ്ടെത്തിയത് ഞൊടിയിടയിലാണ്. സംവിധായകൻ രാഹുൽ രാമചന്ദ്രനും ഈ പ്രവണത കണ്ടെത്തി പോസ്റ്റ് ചെയ്തിരുന്നു. ഇപ്പോൾ മറ്റൊരു ഡീഗ്രേഡിങ് വിഭാഗം എത്തിയിരിക്കുകയാണ്

രണ്ടു വ്യത്യസ്ത അക്കൗണ്ടിൽ നിന്നുമാണ് സിനിമ കണ്ടു, പൈസ പോയി മട്ടിൽ കമന്റ് വന്നിരിക്കുന്നത്. ഒരേ തിയേറ്ററിൽ പോയി കണ്ടു എന്ന തരത്തിലാണ് 'കോപ്പി- പേസ്റ്റ്' ചെയ്ത ഈ കമന്റുകൾ. കുന്നംകുളം താവൂസിൽ നിന്നും പടം കണ്ടു വീട്ടിൽ കയറിയ ഉടനെ ഇട്ടെന്നാണ് കമന്റിലെ അവകാശവാദം (തുടർന്ന് വായിക്കുക)

ചിത്രം തിയേറ്റർ, ബുക്ക് മൈ ഷോ, IMDB, ഗൂഗിൾ റിവ്യൂ തുടങ്ങിയ ഇടങ്ങളിൽ മികച്ച പ്രതികരണം നേടുമ്പോഴാണ് ഈ കമന്റുകൾ പ്രത്യക്ഷപ്പെടുന്നത്. സുരേഷ് ഗോപി, ജോഷി ചിത്രം പരമ്പരാഗത വാർപ്പുമാതൃകകളെ പിന്തുടരാതെ നവീന ശൈലിയിൽ കെട്ടിപ്പടുത്ത സ്ക്രിപ്റ്റുമായാണ് വരവ്. നായിക നിത പിള്ള സിനിമയിലുടനീളം മികച്ച പ്രകടനം പുറത്തെടുത്തു കഴിഞ്ഞു

മോശം കമന്റുകളുടെ സ്ക്രീൻഷോട്ട് പോസ്റ്റ് ചെയ്തയാൾ ഇങ്ങനെ കുറിക്കുന്നു: 'പാപ്പൻ ഫിലിം ഡീഗ്രേഡിങ് ക്യാമ്പയ്‌ൻ. രണ്ടാളും ഒരേ ഒപ്പീനിയൻ. ഇവനൊക്കെ അല്ലെ സിനിമാ വ്യവസായത്തെ രാഷ്ട്രീയം കലക്കി പൊളിച്ചെടുത്ത് കൊടുക്കുന്നത്'

'പാപ്പൻ' റിലീസിനും മുൻപേ 'കണ്ട' ആളിന്റെ ഡീഗ്രേഡിങ് കമന്റ് ആണ് ചുവടെ (സംവിധായകൻ രാഹുൽ രാമചന്ദ്രൻ സ്ക്രീൻഷോട്ട് സഹിതം പോസ്റ്റ് ചെയ്തത്)

ആദ്യമായി സുരേഷ് ഗോപിയും മകൻ ഗോകുൽ സുരേഷും സ്‌ക്രീനിൽ ഒന്നിച്ച ചിത്രം കൂടിയാണ് 'പാപ്പൻ'. ക്രൈം ഇൻവെസ്റ്റിഗേഷൻ ത്രില്ലർ വിഭാഗത്തിലെ സിനിമയുടെ തിരക്കഥ രചിച്ചത് ആർ.ജെ. ഷാൻ ആണ്