COVID 19 | നടി നയൻതാരയ്ക്ക് കോവിഡ് 19 ബാധിച്ചതായുള്ള റിപ്പോർട്ടുകൾ അടിസ്ഥാനരഹിതമെന്ന് റിപ്പോർട്ട്

തെന്നിന്ത്യൻ താരം നയൻതാരയ്ക്ക് കോവിഡ് 19 ബാധിച്ചെന്നുള്ള വാർത്തകൾ വ്യാജമെന്ന് റിപ്പോർട്ട്. താരവുമായി അടുത്ത വൃത്തങ്ങളാണ് വാർത്ത ശരിയല്ലെന്ന തരത്തിലുള്ള റിപ്പോർട്ട് നൽകിയത്.

ചില തമിഴ് പത്രങ്ങളിൽ ആയിരുന്നു നയൻതാരയ്ക്കും സംവിധായകൻ വിഗ്നേഷ് ശിവനും കോവിഡ് സ്ഥിരീകരിച്ചതായി റിപ്പോർട്ടുകൾ വന്നത്.

തമിഴ്നാട്ടിൽ കോവിഡ് കേസുകൾ വർദ്ധിച്ചു വരികയാണ്. കോടമ്പാക്കം, വത്സരവാക്കം എന്നിവിടങ്ങളിലാണ് തമിഴ് സിനിമാതാരങ്ങൾ കൂടുതലും താമസിക്കുന്നത്. ഈ രണ്ട് സ്ഥലങ്ങളും ചെന്നൈയിലെ ഹോട്സ്പോട്ടുകളാണ്. ഇതിനു പിന്നാലെയാണ് സിനിമാതാരങ്ങൾക്ക് കോവിഡ് ബാധിച്ചെന്ന വാർത്ത പുറത്തു വന്നിരിക്കുന്നത്.

നയൻ താരയും വിഘ്നേഷ് ശിവനും ചെന്നൈ എഗ്മോറിൽ ഐസൊലേഷനിൽ ആണെന്നും ചില വാർത്ത വന്നിരുന്നു. എന്നാൽ, ഇതെല്ലാം വ്യാജവാർത്ത ആണെന്നും താരം സുഖമായിരിക്കുന്നവെന്നും ഇവരോട് അടുത്ത വൃത്തങ്ങൾ വെളിപ്പെടുത്തി.

നിലവിൽ 'കാതു വാക്കുല രണ്ടു കാതൽ' എന്ന പുതിയ ചിത്രത്തിന്റ പണിപ്പുരയിലാണ് വിഘ്നേഷ് ശിവൻ.