Leo | ഇവിടെയല്ല, അങ്ങ് വിദേശത്തുമുണ്ടെടാ അണ്ണന് പിടി; റെക്കോർഡ് തുക മുടക്കി 'ലിയോ' ഓവർസീസ് അവകാശം സ്വന്തമാക്കി ഫാർസ് ഫിലിംസ്

നടൻ വിജയ് (Actor Vijay) നായകനായ 'ലിയോ' (Leo) ഈ വർഷം ഒക്ടോബർ 19ന് തിയേറ്ററിലെത്തുകയാണ്. ചിത്രത്തിന്റെ ഓവർസീസ് അവകാശം വിറ്റുപോയ വാർത്ത ഏറ്റവും ഒടുവിലായി പുറത്തുവന്നു കഴിഞ്ഞു. കമ്പനിയുടെ ട്വിറ്റർ ഹാൻഡിൽ പുറത്തിറക്കിയ വീഡിയോ പ്രസ്താവനയിൽ, ഫാർസ് ഫിലിം ഗ്രൂപ്പിന്റെ സ്ഥാപകനും ചെയർമാനുമായ അഹ്മദ് ഗോൽചിൻ ചിത്രം വിദേശത്ത് എത്തിക്കുന്നതിലെ സന്തോഷം പ്രകടിപ്പിച്ചു

ലോകേഷ് കനകരാജ് സംവിധാനം ചെയ്യുന്ന സിനിമയുടെ വിശേഷങ്ങൾ പലപ്പോഴായി വാർത്തയായിട്ടുണ്ട്. 'മാസ്റ്റർ' കഴിഞ്ഞ ശേഷം വരുന്ന വിജയ്, ലോകേഷ് കനകരാജ് ചിത്രം എന്ന പ്രത്യേകതയുമുണ്ട് (തുടർന്ന് വായിക്കുക)

തൃഷ, പ്രിയ ആനന്ദ്, മിഷ്‌കിൻ, അർജുൻ, സഞ്ജയ് ദത്ത്, മൻസൂർ അലി ഖാൻ തുടങ്ങിയവർ ആണ് സിനിമയിലെ മറ്റു താരങ്ങൾ. ചിത്രത്തിന്റെ സംഗീതം അനിരുദ്ധ് രവിചന്ദർ കൈകാര്യം ചെയ്യുന്നു, ഛായാഗ്രഹണം- മനോജ് പരമഹംസ, സ്റ്റണ്ട് കൊറിയോഗ്രഫി- അൻബറിവ്, എഡിറ്റിംഗ്- ഫിലോമിൻ രാജ്

60 കോടി രൂപയ്ക്കാണ് ചിത്രത്തിന്റെ ഓവർസീസ് വിതരണാവകാശം വിറ്റുപോയത്. നടൻ വിജയ്‌യുടെ പിറന്നാൾ മാസമായതിനാൽ കൂടുതൽ വിശേഷങ്ങൾ ഉണ്ടാകും എന്ന കാത്തിരിപ്പിലാണ് ആരാധകർ