സുപ്രിയക്കൊപ്പം ഇരുന്ന് കണ്ട ചിത്രം; പൃഥ്വിരാജിന്റെ മനം കവർന്ന് കമൽ ഹാസനും ഉർവശിയും

കഴിഞ്ഞ ദിവസം രാത്രിയിൽ ഭാര്യ സുപ്രിയക്കൊപ്പം എക്കാലത്തെയും സൂപ്പർ ഹിറ്റ് ചിത്രം കണ്ട ശേഷം കമൽ ഹാസനും ഉർവശിക്കും പ്രശംസയുമായി പൃഥ്വിരാജ്. ട്വിറ്ററിൽ ആണ് പൃഥ്വിരാജ് തന്റെ അഭിപ്രായം രേഖപ്പെടുത്തുന്നത്

1990ൽ പുറത്തിറങ്ങിയ 'മൈക്കിൾ മദന കാമ രാജൻ' എന്ന തമിഴ് ചിത്രമാണ് പൃഥ്വിരാജും ഭാര്യയും ഒന്നിച്ചിരുന്ന് കണ്ടത്

ലോക സിനിമയുടെ മഹാ നടന്മാരിൽ ഒരാളാണ് കമൽ ഹാസൻ എന്നും, ഉർവശിയെ ഇതിഹാസം എന്നുമാണ് പൃഥ്വിരാജ് വിശേഷിപ്പിക്കുന്നത്

ഇതാണ് പൃഥ്വിരാജ് പോസ്റ്റ് ചെയ്ത ട്വീറ്റിന്റെ സ്ക്രീൻഷോട്ട്

മൈക്കിൾ, മദനഗോപാൽ, കാമേശ്വരൻ, രാജു എന്നിങ്ങനെ വ്യത്യസ്ത കഥാപാത്രങ്ങളാണ് കമൽ ഹാസൻ അവതരിപ്പിച്ചത്. ത്രിപുര സുന്ദരി എന്ന കഥാപാത്രമായിരുന്നു ഉർവശിയുടേത്

കമൽ ഹാസനും ക്രെയ്‌സി മോഹനും ചേർന്നായിരുന്നു മൈക്കിൾ മദന കാമരാജന്റെ രചന. സിംഗീതം ശ്രീനിവാസ റാവു ആയിരുന്നു സംവിധാനം