നടി രാകുൽ പ്രീത് സിങ്ങിന് കോവിഡ് 19 പോസിറ്റീവ്; ആരോഗ്യത്തോടെ ഇരിക്കുന്നുവെന്ന് നടി

നടി രാകുൽ പ്രീത് സിങ്ങിന് കോവിഡ് പോസിറ്റീവ്. താരം തന്നെയാണ് സോഷ്യൽമീഡിയയിലൂടെ രോഗവിവരം അറിയിച്ചത്. നിലവിൽ സ്വയം നിരീക്ഷണത്തിലാണെന്നും നടി അറിയിച്ചു.

ആരോഗ്യത്തോടെ ഇരിക്കുന്നുവെന്നും കഴിഞ്ഞ ദിവസങ്ങളിൽ താനുമായി സമ്പർക്കം പുലർത്തിയ ആളുകൾ പരിശോധന നടത്തണമെന്നും നടി ആവശ്യപ്പെട്ടിട്ടുണ്ട്.

അജയ് ദേവഗൺ സംവിധാനം ചെയ്യുന്ന മെയ് ഡേ എന്ന ചിത്രത്തിൽ അഭിനയിച്ചുകൊണ്ടിരിക്കുകയാണ് നടി. ഇതിനിടയിലാണ് കോവിഡ് പോസിറ്റീവായിരിക്കുന്നത്. അമിതാഭ് ബച്ചനും ചിത്രത്തിൽ അഭിനയിക്കുന്നുണ്ട്.

ദിവസങ്ങൾക്ക് മുമ്പ് സാമന്ത അക്കിനേനി അവതാരകയായ സാം ജാം എന്ന പരിപാടിയിലും രാകുൽ പ്രീത് പങ്കെടുത്തിരുന്നു.

അടുത്തിടെയാണ് രാകുൽ കുടുംബത്തോടൊപ്പം മാലദ്വീപിൽ അവധികാലം ആഘോഷിച്ച് തിരിച്ചെത്തിയത്. ഇതിന് ശേഷമാണ് മെയ് ഡേയുടെ ഷൂട്ടിങ് ആരംഭിച്ചത്. രാകുലിന് കോവിഡ് പോസിറ്റീവായതോടെ സിനിമയുടെ ചിത്രീകരണവും അനിശ്ചിതത്വത്തിലാകും.

"എനിക്ക് കൊവിഡ് 19 പൊസിറ്റീവ് സ്ഥീരികരിച്ച കാര്യം എല്ലാവരെയും അറിയിക്കുന്നു. ഇപ്പോൾ സ്വയം ക്വാറന്റൈനില്‍ ആണ്. ആരോഗ്യവതിയാണ്. ഉടൻ തന്നെ ലൊക്കേഷനില്‍ തിരിച്ചെത്താനാകുമെന്ന് പ്രതീക്ഷിക്കുന്നു.

എല്ലാവരും ആരോഗ്യത്തോടെ ഇരിക്കണമെന്നും താനുമായി സമ്പർക്കത്തിലുണ്ടായിരുന്നവർ പരിശോധന നടത്തണമെന്നും ഇൻസ്റ്റഗ്രാം സ്റ്റോറിയിൽ രാകുല്‍ പ്രീത് സിങ് പറഞ്ഞു.