Rakul Preet Singh | അടുത്ത ചിത്രത്തിൽ കോണ്ടം ടെസ്റ്ററുടെ വേഷം ചെയ്യാനൊരുങ്ങി നടി രാകുൽ പ്രീത്; എന്താണ് 'കോണ്ടം ടെസ്റ്റർ'?

വളരെ വിചിത്രമായ കഥാപാത്രങ്ങൾ തെരഞ്ഞെടുത്ത് തങ്ങളുടെ അഭിനയ പാടവം എത്രത്തോളമുണ്ടെന്ന് തെളിയിക്കാൻ ശ്രമിക്കുന്ന അഭിനേതാക്കൾ ഒരുപാടുപേരുണ്ട്. രൂപത്തിലും ഭാവത്തിലും അവതരണത്തിലും പുതുമ തേടുന്ന ഇക്കൂട്ടരുടെ ഒപ്പം ഏറ്റവും ഒടുവിലായി ചേർക്കപ്പെട്ടിരിക്കുന്ന പേരാണ് രാകുൽ പ്രീത് സിംഗ്. താരത്തിന്റെ ഏറ്റവും പുതിയ സിനിമയിൽ ഒരു കോണ്ടം ടെസ്റ്ററുടെ വേഷമാണ് ഇവർ അവതരിപ്പിക്കുന്നത്

ഈ സിനിമയുടെ കഥ കേട്ടമാത്രയിൽ തന്നെ രാകുൽ വളരെ ആവേശത്തോടെ സമ്മതംമൂളുകളായിരുന്നു എന്ന് 'ഫിലിംഫെയർ' റിപ്പോർട്ട് ചെയ്യുന്നു. എന്നാൽ കോണ്ടം ടെസ്റ്റർ എന്താണെന്നാണ് ഏവരുടെയും ചോദ്യം. അങ്ങനെയെങ്കിൽ എന്താവും രാകുലിന്റെ വേഷമെന്നും. കോണ്ടം ടെസ്റ്റർ എന്താണെന്നറിയേണ്ടേ? (തുടർന്ന് വായിക്കുക)

അതിന് മുൻപ് ഈ ചിത്രത്തെക്കുറിച്ച് കുറച്ചു വിവരങ്ങൾ കൂടി അറിയാം. ഒരു സോഷ്യൽ കോമഡിയായാണ് ഈ ചിത്രം തയാറാവുന്നത്. ആയുഷ്മാൻ ഖുറാന തിരഞ്ഞെടുക്കാറുള്ള റോളുകളുമായി സമാനതകളുണ്ട് ഈ കഥാപാത്രത്തിനും. കോണ്ടം ടെസ്റ്ററാവാൻ 18 വയസ്സിൽ കൂടുതൽ പ്രായം വേണം

വൻകിട കോണ്ടം കമ്പനികൾ വാഗ്ദാനം ചെയ്യുന്ന ജോലിയാണ് കോണ്ടം ടെസ്റ്റർ. അതുപ്രകാരം വിപണിയിൽ എത്തുന്നതിന് മുൻപ് കോണ്ടം ഉത്പ്പന്നങ്ങൾ ടെസ്റ്റ് ചെയ്യുന്നതാണ് ഇവരുടെ ചുമതല

അതായത് രാകുലിന്റെ കഥാപാത്രം ഒരു 'സെക്സിക്യൂട്ടീവ്' ആയിരിക്കുമെന്ന് ഉറപ്പിക്കാം. സിനിമയ്ക്കായി നായിക വാക്കാൽ ഉറപ്പ് നൽകിക്കഴിഞ്ഞു. വരും മാസങ്ങളിൽ ചിത്രീകരണം ആരംഭിക്കുമെന്നാണ് സൂചന

താരത്തിന്റേതായി ഏഴോളം ചിത്രങ്ങൾ അണിയറയിലുണ്ട്. ഡിസംബർ മാസത്തിൽ കോവിഡ് ബാധിച്ച താരം വേഗം തന്നെ നെഗറ്റീവ് ആയി മാറുകയും ചെയ്‌തു