അൽ ഖ്വയ്ദാ ഭീകരവാദികളുടെ അറസ്റ്റ്; പിടിയിലായവർ ഇവർ; കണ്ടെടുത്തത് എന്തെല്ലാം?

കേരളത്തിലും പശ്ചിമബംഗാളിലുമായി ദേശീയ അന്വേഷണ ഏജൻസി നടത്തിയ പരിശോധനയിൽ ഒൻപത് അൽ-ഖ്വയ്ദ ഭീകരവാദികളാണ് പിടിയിലായത്. പാകിസ്ഥാന്റെ പിന്തുണ ലഭിക്കുന്ന അൽ- ഖ്വയ്ദ വിഭാഗവുമായി ബന്ധമുള്ളവരാണ് ഇവർ. കൊച്ചിയിലും മുർഷിദാബാദിലുമായാണ് ഇവർ പിടിയിലായത്.

കുറേ നാളായി ഈ സംഘം കേരളത്തിലും പശ്ചിമബംഗാളിലുമായി പ്രവർത്തിച്ചുവരികയായിരുന്നു. രാജ്യത്തിന്റെ പ്രധാന ഭാഗങ്ങളിൽ ആക്രമണം നടത്താനുള്ള പദ്ധതികൾ ഇവർ തയാറാക്കിവരികയായിരുന്നുവെന്നും എൻഐഎ അറിയിച്ചു. (ഫോട്ടോയിലുള്ളത് പിടിയിലായ അതിതുർ റഹ്മാൻ)

പശ്ചിമബംഗാളിൽ നിന്ന് ആറുപേരും കൊച്ചിയിൽ നിന്ന് മൂന്നുപേരുമാണ് പിടിയിലായത്. ഇവരിൽ നിന്ന് അപകടകരമായ വസ്തുക്കൾ, ഇലക്ട്രോണിക് ഉപകരണങ്ങൾ, ജിഹാദി ലേഖനങ്ങൾ, ആയുധങ്ങൾ, വെടിക്കോപ്പുകൾ, പ്രധാനപ്പെട്ട രേഖകൾ എന്നിവ കണ്ടെത്തിയതായി എൻഐഎ അറിയിച്ചു.(ഫോട്ടോയിലുള്ളത് നജിമുൽ സാകിബ്)

പ്രാഥമിക അന്വേഷണമനുസരിച്ച്, പിടിയിലായവർ പാകിസ്ഥാൻ ആസ്ഥാനമായുള്ള അൽ-ഖ്വയ്ദ തീവ്രവാദികൾ സോഷ്യൽ മീഡിയ വഴി സംഘടിപ്പിക്കുകയും രാജ്യ തലസ്ഥാനം ഉൾപ്പെടെ ഒന്നിലധികം സ്ഥലങ്ങളിൽ ആക്രമണം നടത്താൻ പദ്ധതിയിടുകയും ചെയ്തിരുന്നു. (ഫോട്ടോയിലുള്ളത് അബു സൂഫിയാൻ)

ആക്രമണം നടത്താനായി ഇവർ ഫണ്ട് ശേഖരണത്തിൽ ഏർപ്പെട്ടിരുന്നു.(ഫോട്ടോയിലുള്ളത് മുർഷിദ് ഹസൻ)

ഈ അറസ്റ്റുകളോടെ ദേശീയ തലസ്ഥാനത്ത് അടക്കം ആക്രമണം നടത്താനുള്ള വലിയ പദ്ധതിയാണ് തകർത്തതെന്നും എൻഐഎ വ്യക്തമാക്കുന്നു.(ഫോട്ടോയിലുള്ളത് മൈനു മൊണ്ടാൽ)

മൊസൈറഫ് ഹൊസൻ

ഇയാക്കൂബ് ബിശ്വാസ്

ലീയൂൻ അഹമമ്ദ്

അൽ മാമുൻ കമാൽ

പ്രാദേശികമായി നിർമിച്ച തോക്ക്

റെയ്ഡിൽ കണ്ടെത്തിയ സ്ഫോടക വസ്തുക്കൾ

റെയ്ഡിൽ കണ്ടെത്തിയ ഉപകരണ ഭാഗങ്ങൾ