രാഹുൽ ഗാന്ധി നൽകിയ കിറ്റുകളടക്കം പ്രളയ ദുരിതാശ്വാസ സാധനങ്ങൾ കെട്ടിക്കിടന്ന് നശിക്കുന്നു; കോൺഗ്രസ് പൂഴ്ത്തി വെച്ചതെന്ന് ആരോപിച്ച് DYFI

മലപ്പുറം:  നിലമ്പൂരിൽ പ്രളയ ദുരിതാശ്വാസ സാധനങ്ങൾ കെട്ടിടത്തിനുള്ളിൽ കൂട്ടിവച്ച നിലയിൽ കണ്ടെത്തി. വയനാട് എംപി രാഹുൽ ഗാന്ധി വിതരണം ചെയ്യാൻ നൽകിയ ഭക്ഷ്യ കിറ്റുകളും തുണികളും ഇതിൽ ഉണ്ട്.

കോൺഗ്രസ് ഇവ പൂഴ്ത്തി വെച്ചത് ആണെന്ന് ആരോപിച്ചു ഡിവൈഎഫ്ഐ ഇവിടേക്ക് രാത്രി പ്രതിഷേധം സംഘടിപ്പിച്ചു. അരി, ഭക്ഷ്യ ധാന്യങ്ങൾ, പലവ്യഞ്ജനങ്ങൾ, തുണികൾ,  തുടങ്ങി അനവധി സാധനങ്ങൾ ആണ് നിലമ്പൂരിലെ കടമുറിക്ക് ഉള്ളിൽ കണ്ടെത്തിയത്.

പൂട്ടി കിടക്കുന്ന മുറി വാടകക്ക് നൽകാൻ ഉടമസ്ഥർ തുറന്നപ്പോൾ ആണ് ഇവ കുന്നുകൂടി കിടക്കുന്നത് പുറം ലോകം അറിഞ്ഞത്. വയനാട് എംപി എന്ന് മുദ്ര ചെയ്ത കിറ്റുകൾ ഇതിൽ ഉണ്ട്

ഇവ പ്രളയ സമയത്ത് മണ്ഡലത്തിൽ വിതരണം ചെയ്യാൻ രാഹുൽ ഗാന്ധി നൽകിയത് ആണ് എന്നാണ് കരുതുന്നത്. വയനാട് ഫ്ലഡ് റിലീഫ് എന്നെഴുതിയ കിറ്റുകളും ഇക്കൂട്ടത്തിലുണ്ട്.

ഭക്ഷ്യ സാധനങ്ങൾ ആർക്കും ഉപകരിക്കാതെ നശിപ്പിച്ചതിന് കോൺഗ്രസ് ജനങ്ങളോട് മാപ്പ് പറയണം എന്ന് രാത്രി വൈകിയും ഇവിടേക്ക് പ്രതിഷേധ പ്രകടനം നടത്തിയ ഡിവൈഎഫ്ഐ പ്രവർത്തകർ ആവശ്യപ്പെട്ടു

എന്നാല് ഇക്കാര്യത്തിൽ പ്രതികരിക്കാൻ ഇല്ലെന്ന നിലപാടിൽ ആണ് കെട്ടിടം ഉടമ. ഇങ്ങനെ ഭക്ഷ്യ ധാന്യങ്ങൾ കൂടി കിടക്കുന്നത് അറിയില്ലെന്ന് ആയിരുന്നു ജില്ലയിലെ കോൺഗ്രസ് നേതാക്കളുടെ പ്രതികരണം.

നിലമ്പൂരിൽ കെട്ടിടത്തിനുള്ളിൽ കൂട്ടിവച്ച നിലയിൽ കണ്ടെത്തിയ പ്രളയ ദുരിതാശ്വാസ സാധനങ്ങൾ

നിലമ്പൂരിൽ കെട്ടിടത്തിനുള്ളിൽ കൂട്ടിവച്ച നിലയിൽ കണ്ടെത്തിയ പ്രളയ ദുരിതാശ്വാസ സാധനങ്ങൾ

നിലമ്പൂരിൽ കെട്ടിടത്തിനുള്ളിൽ കൂട്ടിവച്ച നിലയിൽ കണ്ടെത്തിയ പ്രളയ ദുരിതാശ്വാസ സാധനങ്ങൾ