കരിപ്പൂരിൽ ഒരു കോടിയുടെ സ്വർണ വേട്ട; മൂന്ന് സംഭവങ്ങളിലായി പിടികൂടിയത് രണ്ടര കിലോഗ്രാം സ്വർണം

കരിപ്പൂരിൽ കഴിഞ്ഞ രണ്ട് ദിവസങ്ങളിലായി 3 ഇടങ്ങളിൽ ‍നിന്ന് പിടികൂടിയത് 2.670 കിലോഗ്രാം സ്വർണം. വിപണിയിൽ ഏകദേശം 1.08 കോടി രൂപ വില വരും ഇതിന്.

കോഴിക്കോട് മരപ്പന സ്വദേശി അഷ്റഫ്, കണ്ണൂർ കീഴള്ളൂർ സ്വദേശി മുഹമ്മദ് റൗഫ് എന്നിവരെ  സ്വർണ്ണക്കടത്തിന് പിടികൂടി. 1195 ഗ്രാം സ്വർണം അഷ്റഫ് കുഴമ്പ് രൂപത്തിലാക്കി മലദ്വാരത്തിൽ ഒളിപ്പിച്ചാണ് കടത്താൻ ശ്രമിച്ചത്.

മുഹമ്മദ് റൗഫ് സ്പീകറിനുള്ളിൽ ആയിരുന്നു ഒരു കിലോഗ്രാം സ്വർണം പാളികൾ ആയി ഒളിപ്പിച്ച് കടത്താൻ ശ്രമിച്ചത്.

780 ഗ്രാം സ്വർണം ദുബൈയിൽ നിന്നും എത്തിയ സ്പൈസ് ജെറ്റ് വിമാനത്തിന്റെ സീറ്റിന് അടിയിൽ മിശ്രിത രൂപത്തിൽ ഒളിപ്പിച്ച് വെച്ച നിലയിൽ ആണ് കണ്ടെത്തിയത്.

മറ്റൊരു സംഭവത്തിൽ 13 ലക്ഷം രൂപ മൂല്യം ഉള്ള വിദേശ കറൻസിയും പിടികൂടി. കാസർകോട് ഉദുമ സ്വദേശി മുഹമ്മദ് ശരീഫ് ആണ്  ഈ സംഭവത്തിൽ പിടിയിലായത്.