Health Benefits Of Strawberries | സ്ട്രോബെറി കഴിച്ചാൽ ഇങ്ങനെയും ഗുണങ്ങളോ !

രുചികരമായ ഒരു വിഭവത്തിനപ്പുറം നിരവധി ആരോഗ്യ ഗുണങ്ങൾ പ്രധാനം ചെയ്യുന്ന പോഷകങ്ങളുടെ ശക്തി കേന്ദ്രമാണ് സ്ടോബെറി പഴങ്ങൾ. ഹൃദയാരോഗ്യത്തെ സംരക്ഷിക്കുന്നത് മുതൽ രക്തത്തിലെ പഞ്ചസാരയുടെ അളവ് നിയന്ത്രിക്കുന്നതും കാൻസറിനെ പ്രതിരോധിക്കുന്ന ഗുണങ്ങൾ വരെ സ്ട്രോബെറിക്കുണ്ടെന്ന് വിദഗ്ദർ അഭിപ്രായപ്പെടുന്നു. രുചികരമായ ഈ പഴം നൽകുന്ന അവിശ്വസനീയമായ ആരോഗ്യ ഗുണങ്ങൾ എന്തൊക്കെയാണെന്ന് നോക്കാം.

സ്ട്രോബെറിയിൽ ആന്തോസയാനിഡിൻസ് എന്ന പ്രത്യേക പദാർത്ഥങ്ങൾ അടങ്ങിയിട്ടുണ്ട്. ഇത് നിങ്ങളുടെ ഹൃദയത്തെ സംരക്ഷിക്കാനും ഹൃദ്രോഗത്തിനും വീക്കത്തിനുമുള്ള സാധ്യത കുറയ്ക്കാനും സഹായിക്കുന്നു. ഈ പദാർത്ഥങ്ങൾ സൂപ്പർഹീറോകളെപ്പോലെ പ്രവർത്തിച്ച് നിങ്ങളുടെ ശരീരത്തിലെ ദോഷകരമായ കാര്യങ്ങൾക്കെതിരെ പോരാടുകയും ഹൃദയത്തെ ആരോഗ്യകരമായി നിലനിർത്താൻ സഹായിക്കുകയും ചെയ്യുന്നു. അതിനാൽ, സ്ട്രോബെറി കഴിക്കുന്നത് ഹൃദയസംബന്ധമായ അസുഖങ്ങൾക്കുള്ള സാധ്യത കുറയ്ക്കുകയും ചെയ്യുന്നു.

ടൈപ്പ് 2 പ്രമേഹത്തിന്റെ ഫലങ്ങൾ നിയന്ത്രിക്കാൻ സഹായിക്കുന്ന എലാജിക് ആസിഡ്, എലാജിറ്റാനിൻസ് തുടങ്ങിയ പോളിഫെനോൾസ് എന്ന പ്രത്യേക പദാർത്ഥങ്ങൾ സ്ട്രോബെറിയിൽ അടങ്ങിയിട്ടുണ്ട്. ഈ സംയുക്തങ്ങൾക്ക് രക്തത്തിലെ പഞ്ചസാരയുടെ അളവ് നിയന്ത്രിക്കാനും രക്തസമ്മർദ്ദം നിയന്ത്രിക്കാനും സഹായിക്കുന്നു. സ്ട്രോബെറിയിലെ വർണ്ണാഭമായ ആന്തോസയാനിനുകൾക്ക് രക്തത്തിലെ പഞ്ചസാരയെ നല്ല രീതിയിൽ സ്വാധീനിക്കാനുള്ള പ്രത്യേക കഴിവുണ്ട്. സ്ട്രോബെറി കഴിക്കുന്നത് ഗ്ലൂക്കോസിന്റെ ദഹനത്തെ മന്ദഗതിയിലാക്കുകയും ഇൻസുലിൻ സംവേദനക്ഷമത മെച്ചപ്പെടുത്തുകയും ചെയ്യുമെന്ന് ഗവേഷണങ്ങൾ കാണിക്കുന്നു.

എലാജിക് ആസിഡ്, എലാജിറ്റാനിൻസ് തുടങ്ങിയ പോളിഫെനോളുകൾ സ്ട്രോബെറിയിൽ അടങ്ങിയിട്ടുണ്ട്. ഇവയ്ക്ക് കാൻസർ തടയുന്നതിൽ പങ്കു വഹിക്കാൻ കഴിയും. ഈ പദാർത്ഥങ്ങൾക്ക് കാൻസർ കോശങ്ങളുടെ വളർച്ച തടയാനുള്ള കഴിവുണ്ടെന്ന് മൃഗങ്ങളിൽ നടത്തിയ പഠനങ്ങളിൽ പറയുന്നു. എന്നിരുന്നാലും, ഈ സംയുക്തങ്ങൾ എങ്ങനെ പ്രവർത്തിക്കുന്നുവെന്ന് കൃത്യമായി മനസ്സിലാക്കുന്നതിനും മനുഷ്യരിൽ അവയുടെ ഫലങ്ങൾ സ്ഥിരീകരിക്കുന്നതിനും കൂടുതൽ ഗവേഷണം ആവശ്യമാണ്.

ഇവയ്ക്ക് ഗ്ലൈസെമിക് സൂചിക (GI) കുറവാണ്, അതായത് രക്തത്തിലെ പഞ്ചസാരയുടെ അളവിൽ വലിയ വർദ്ധനവിന് കാരണമാകില്ല. ഇത് സ്ട്രോബെറിയെ ശരീരഭാരം നിയന്ത്രിക്കാൻ സഹായിക്കുന്നു. സ്ട്രോബെറിക്ക് കലോറി കുറവാണ്. എങ്കിലും നല്ല മധുരമുള്ള ഫലങ്ങളാണിവ. അതിനാൽ നിങ്ങൾക്ക് മധുരമുള്ള എന്തെങ്കിലും കഴിക്കാൻ ആഗ്രഹിക്കുമ്പോൾ ആരോഗ്യകരവുമായ ഒരു ഓപ്ഷനായി സ്ട്രോബെറിയെ തിരഞ്ഞെടുക്കാവുന്നതാണ്.