Peanuts Benefits: കൊളസ്ട്രോൾ ഉള്ളവർ നിലക്കടല കഴിക്കാൻ പാടില്ലേ...? ഇക്കാര്യങ്ങൾ അറിഞ്ഞോളൂ

ഇന്ന് പ്രായഭേദമന്യേ പലരും ഷു​ഗർ‌, കളസ്ട്രോൾ, പ്രഷർ പോലുള്ള ജീവിതശൈലി രോ​ഗങ്ങളാൽ ബുദ്ധിമുട്ടുകയാണ്. മാറിയ ജീവിതരീതിയും അനാരോ​ഗ്യകരമായ ഭക്ഷണശീലങ്ങളുമാണ് ഇതിന്റെ പ്രധാനകാരണം. അമിതമായ കൊഴുപ്പും പഞ്ചസാരയും അടങ്ങിയ ഭക്ഷണം കഴിക്കുന്നത് നമ്മുടെ ആരോ​ഗ്യത്തെ ഇല്ലാതാക്കുന്നു.

ഇവ പതിവായി കഴിക്കുന്നതിലൂടെ നമ്മൾ മാറോരോ​ഗിയായി മാറുകയും ചെയ്യുന്നു. അങ്ങനെ രോ​ഗങ്ങൾ പിടിപെട്ടുതുടങ്ങുമ്പോളോ നമ്മൾ ഡയറ്റ് കോൺഷ്യസ് ആയി മാറുകയും ചെയ്യും. അപ്പോഴുള്ള അവസ്ഥ എന്തെന്നാൽ നല്ലതും ചീത്തതുമായ ഭക്ഷണങ്ങൾ തിരിച്ചറിയാനാകാതെ ആകും. ഇത് കഴിച്ചാൽ പണി കിട്ടുമോ...? എന്ത് കഴിക്കണം എന്ത് കഴിക്കാൻ പാടില്ല എന്നൊക്കെ ആലോചിച്ച് ആകെ തല പുകയും.

ഒടുവിലോ.. പലരും ഒന്നു കഴിക്കാൻ പാടില്ലെന്ന നി​ഗമനത്തിലുമെത്തും. അല്ലെങ്കിൽ എനിക്കിനി ഇതൊന്നും കഴിക്കാൻ പാടില്ലേ എന്ന് ആലോചിച്ച് ദുഃഖിക്കും. അത്തരത്തിൽ കൊളസ്ട്രോൾ രോഗികൾ പലപ്പോഴും വില്ലനായി കണക്കാക്കുന്ന ഭക്ഷണമാണ് നിലക്കടല.

ശരിക്കും അത്തരത്തിൽ പാടെ പുറന്തള്ളേണ്ട ഒരു ഭക്ഷണമല്ല യഥാർത്ഥത്തിൽ നിലക്കടല. ഇത് ദിനവും കൃത്യമായ അളവിൽ കഴിക്കുന്നത് ശരീരത്തിന് നിരവധി ആരോ​ഗ്യ ​ഗുണങ്ങൾ പ്രധാനം ചെയ്യും.

നിലക്കടല മോണോസാച്ചുറേറ്റഡ് കൊഴുപ്പുകളുടെ നല്ല ഉറവിടമാണ്, ഇത് എൽഡിഎൽ അഥവാ മോശം കൊളസ്ട്രോൾ കുറയ്ക്കാൻ സഹായിക്കുകയും എച്ച്ഡിഎൽ അഥവാ നല്ല കൊളസ്ട്രോൾ അളവ് വർദ്ധിപ്പിക്കാൻ സഹായിക്കുകയും ചെയ്യും.

എന്നാൽ ഇവ എണ്ണയിലിട്ട് വറുത്തോ വീണ്ടും അതിലേക്ക് ഉപ്പും മറ്റും ചേർത്ത കഴിക്കാതിരിക്കുക. ഓരോ ഭക്ഷണത്തേയും അതിന്റെ തനത് രീതിയിൽ തന്നെ കഴിക്കാൻ ശ്രമിക്കുക. പലപ്പോഴും നാം നല്ല ഭക്ഷണത്തേയും അതിന്റെ സ്വാഭാവിക ​ഗുണങ്ങൾ നഷ്ടപ്പെടുത്തിയാണ് കഴിക്കുന്നത്.

അതിനാൽ തന്നെ നല്ലതെന്ന് കരുതി നാം കഴിക്കുന്ന ഭക്ഷണങ്ങൾ നമ്മിൽ ​ഗുണത്തേക്കാൾ ഏറെ ദോഷം സൃഷ്ടിക്കുന്നു. അതിനാൽ ഓരോ ഭക്ഷണത്തേയും അതിന്റെ തനിമ നഷ്ടപ്പെടുത്താതെ കഴിക്കാൻ ശ്രമിക്കുക. അതുപോലെ അളവും പ്രധാനമാണ്. നല്ലതെന്നു കരുതി ഒന്നും അമിതമായ കഴിക്കരുത്. അതിനാൽ നിങ്ങൾ ഏതെങ്കിലും തരത്തിൽ ജീവിതശൈലി രോ​ഗങ്ങളാൽ ബുദ്ധിമുട്ടുന്നവരാണെങ്കിൽ ഇത്തരം ഭക്ഷണങ്ങൾ കഴിക്കുന്നതിനു മുന്നോടിയായി ഒരു ഡോക്ടറുടെ നിർദേശം സ്വീകരിക്കുന്നത് വളരെ നല്ലതാണ്.