MISS INDIA 2023 | 19കാരിക്ക് മിസ് ഇന്ത്യ കിരീടം; രാജസ്ഥാന്‍കാരി നന്ദിനി ഗുപ്ത ഇന്ത്യയുടെ സൗന്ദര്യറാണി

ഫെമിന മിസ് ഇന്ത്യ 2023 കിരീടം രാജസ്ഥാനില്‍ നിന്നുള്ള പത്തൊമ്പതുകാരി നന്ദിനി ഗുപ്തക്ക്. ദില്ലിയില്‍ നടന്ന ഫെമിന മിസ് ഇന്ത്യ വേൾഡ് 2023 സൗന്ദര്യ മത്സരത്തില്‍ രാജ്യത്തിന്‍റെ വിവിധ ഭാഗങ്ങളില്‍ നിന്നുമെത്തിയ സുന്ദരികളെ പരാജയപ്പെടുത്തിയാണ് നന്ദിനി ഗുപ്ത ഇന്ത്യയുടെ പുതിയ സൗന്ദര്യറാണി പട്ടം നേടിയത്.

യുഎഇയില്‍ നടക്കുന്ന 71-ാമത് മിസ് വേൾഡ് മത്സരത്തില്‍ ഇന്ത്യയെ പ്രതിനിധീകരിക്കുന്നത് നന്ദിനിയാണ്. രാജസ്ഥാനിലെ കോട്ട സ്വദേശിയായ നന്ദിനി  ബിസിനസ് മാനേജ്മെന്‍റില്‍ ബിരുദധാരിയാണ്

രത്തന്‍ ടാറ്റയാണ് തന്‍റെ ജീവിതത്തിലെ ഏറ്റവും പ്രചോദനം ചെലുത്തിയ മനുഷ്യനെന്ന് നന്ദിനി പറഞ്ഞു. 'എന്നും ലാളിത്വത്തോടെ ജീവിക്കുന്ന മനുഷ്യകുലത്തിന് വേണ്ടി എല്ലാം ചെയ്ത. തന്‍റെ സമ്പദ്യം മുഴുവന്‍ ചാരിറ്റിക്ക് നല്‍കിയ അദ്ദേഹമാണ് എന്‍റെ മാനസഗുരു' - നന്ദിനി പറയുന്നു. പ്രിയങ്ക ചോപ്രയാണ് സൗന്ദര്യമേഖലയിലെ തന്‍റെ പ്രചോദനമെന്നും നന്ദിനി പറഞ്ഞു.

ദില്ലിയില്‍ നിന്നുള്ള ശ്രേയ പൂഞ്ചയാണ് ഫസ്റ്റ് റണ്ണറപ്പ്

മണിപ്പൂരിന്റെ തൗനോജം സ്‌ട്രേല ലുവാങ് സെക്കന്‍റ് റണ്ണറപ്പും ആയി

ബോളിവുഡ് താരങ്ങളായ കാർത്തിക് ആര്യൻ, അനന്യ പാണ്ഡെ എന്നിവരുടെ നൃത്ത പ്രകടനങ്ങളും മത്സരത്തിന് മാറ്റ്കൂട്ടി. മനീഷ് പോൾ, ഭൂമി പെഡ്‌നേക്കർ എന്നിവർ ഷോ അവതാരകരായിരുന്നു.