Taapsee Pannu | നീലാകാശം പച്ചക്കടൽ; മാലദ്വീപിൽ വെക്കേഷൻ ആസ്വദിച്ച് താപ്സി പന്നു

മാലദ്വീപിൽ വെക്കേഷൻ ആസ്വദിക്കുകയാണ് നടി താപ്സി പന്നു. ഇതിന്റെ ചിത്രങ്ങൾ താപ്സി ഇൻസ്റ്റഗ്രാമിലൂടെ ആരാധകരുമായി പങ്കുവെച്ചിട്ടുണ്ട്.

സഹോദരിമാർക്കൊപ്പമാണ് താപ്സി മാലദ്വീപിൽ എത്തിയത്.

മാലദ്വീപിലെ മനോഹരമായ ബീച്ചിലുള്ള ചിത്രങ്ങളാണ് താപ്സി ഇൻസ്റ്റഗ്രാമിൽ പോസ്റ്റ് ചെയ്തിരിക്കുന്നത്.

നീല ആകാശവും പച്ചക്കടലും പഞ്ചാര മണലുമുള്ള മാലദ്വീപിലെ ബീച്ചിൽ തൂവെള്ള മിനി ഡ്രസ് ധരിച്ചു നിൽക്കുന്ന താപ്സിയുടെ ചിത്രം സോഷ്യൽമീഡിയയിൽ വൈറലാണ്.

താപ്സിയുടെ ഉടുപ്പിന്റെ വിലയെ കുറിച്ചാണ് ഫാഷൻ ലോകത്തെ ചർച്ച. ഇറ്റുവാന ബ്രാൻഡ് കോട്ടൺ ഉടുപ്പിന്റെ വില 12,516 രൂപയാണെന്നും കണ്ടുപിടിച്ചു കഴിഞ്ഞു.

കോവിഡ് ലോക്ക്ഡൗണിലെ നീണ്ട ഇടവേളയ്ക്ക് ശേഷമാണ് തപ്സി സഹോദരിമാർക്കൊപ്പം വിദേശത്ത് എത്തിയിരിക്കുന്നത്.

അതേസമയം, റിയ ചക്രബർത്തിക്ക് ജാമ്യം ലഭിച്ച വിഷയത്തിൽ സന്തോഷം പ്രകടിപ്പിച്ച് തപ്സി സോഷ്യൽമീഡിയയിൽ പോസ്റ്റ് ചെയ്തിട്ടുണ്ട്.

ജീവിതത്തിലെ കയ്പ്പേറിയ അനുഭവങ്ങളിൽ റിയ തളരാതിരിക്കട്ടെയെന്ന് ട്വിറ്ററിലൂടെ താപ്സി പറഞ്ഞു.

റിയയുടെ ജയിൽ വാസം സുശാന്തിന് നീതി എന്ന പേരിൽ വ്യക്തിപരമായും പ്രൊഫഷണലായും അജണ്ടകൾ നടപ്പാക്കാൻ ശ്രമിച്ചവരുടെ ഈഗോയെ തൃപ്തിപ്പെടുത്തിക്കാണും എന്നും താപ്സി കുറിച്ചു.

സുശാന്തിന്റെ മരണത്തിൽ റിയയ്ക്കെതിരെ നടന്ന മാധ്യമവിചാരണയ്ക്കെതിരെ ആദ്യം മുതൽ രംഗത്തു വന്ന താരമാണ് താപ്സി പന്നു.