BMW iX Electric SUV| തരംഗം സൃഷ്ടിക്കാൻ ബിഎംഡബ്ല്യു ഐഎക്സ്; ഡിസംബർ 13ന് എത്തും

ഇന്ത്യന്‍ ഇലക്ട്രിക് വാഹന വിപണിയില്‍ മുന്നേറാന്‍ ഒരുങ്ങിയിരിക്കുകയാണ് ജര്‍മന്‍ ആഢംബര വാഹന നിര്‍മാതാക്കളായ ബിഎംഡബ്ല്യു (BMW). രാജ്യത്ത് പുതിയ മൂന്ന് ഇവി മോഡലുകള്‍ പുറത്തിറക്കാനാണ് കമ്പനി ലക്ഷ്യമിട്ടിരിക്കുന്നത്. ഇതില്‍ ഐഎക്‌സ് ഓള്‍ ഇലക്ട്രിക് SUV ആയിരിക്കും ഇന്ത്യയില്‍ ആദ്യം വില്‍പ്പനയ്ക്ക് എത്തുന്ന മോഡല്‍.  BMW iX. (Photo: BMW)

2021 ഡിസംബര്‍ 13ന് വാഹനത്തെ അവതരിപ്പിക്കുമെന്ന് കമ്പനി അറിയിച്ചു. വരാനിരിക്കുന്ന ഐഎക്‌സ് ഭാവിയിലെ ബിഎംഡബ്ല്യു മോഡലുകളെ സൃഷ്ടിക്കുന്ന പുതിയ മോഡുലാര്‍, സ്‌കേലബിള്‍ ടൂള്‍കിറ്റിനെ അടിസ്ഥാനമാക്കിയുള്ള ആദ്യ മോഡലായിരിക്കും. BMW iX. (Photo: BMW)

ഡിസംബര്‍ 11ന് രാജ്യത്ത് അവതരിപ്പിക്കുമെങ്കിലും 2022ന്റെ ആദ്യ പകുതിയിലായിരിക്കും ഇലക്ട്രിക് SUV വില്‍പ്പനയ്‌ക്കെത്തുക. ബിഎംഡബ്ല്യു ഐഎക്‌സ് പൂര്‍ണമായും നിര്‍മിച്ച യൂണിറ്റായാകും ഇന്ത്യയില്‍ എത്തുക. ആഭ്യന്തര തലത്തില്‍ മെര്‍സിഡീസ് ബെന്‍സ് ഇക്യുസി, ഔഡി ഇ-ട്രോണ്‍, ജാഗ്വര്‍ ഐപേസ് എന്നീ വമ്പന്‍മാരുമായാകും ഇലക്ട്രിക് SUV മാറ്റുരയ്ക്കുക. BMW iX. (Photo: BMW)

റഡാറുകള്‍, കാമറകള്‍, സെന്‍സറുകള്‍ എന്നിവയുള്‍പ്പെടെയുള്ള ഇന്റലിജന്റ് ഡ്രൈവര്‍ അസിസ്റ്റന്‍സ് സിസ്റ്റങ്ങള്‍ ഉള്‍ക്കൊള്ളുന്ന സിഗ്‌നേച്ചര്‍ കിഡ്‌നി ഗ്രില്‍ ഡിസൈനും ഈ കാറിലുണ്ട്. എസ്‌യുവിയുടെ ഉള്‍ഭാഗത്ത് സോഫ്റ്റ്-ടച്ച് മെറ്റീരിയലില്‍ പൊതിഞ്ഞ മിനിമലിസ്റ്റ് ഡിസൈനോടുകൂടിയ ഒരു ഫ്യൂച്ചറിസ്റ്റിക് ലുക്ക് ക്യാബിനാണ് ബവേറിയന്‍ ബ്രാന്‍ഡ് ഒരുക്കി എടുത്തിരിക്കുന്നത്.  BMW iX. (Photo: BMW)

375 കെഡബ്ല്യു അല്ലെങ്കില്‍ 503 ബിഎച്ച്പി സംയോജിത ഉത്പാദനം വികസിപ്പിക്കുന്നതിന് രണ്ട് ഇലക്ട്രിക് മോട്ടോറുകള്‍ ഉപയോഗിക്കുന്ന ബ്രാന്‍ഡിന്റെ അഞ്ചാം തലമുറ ഓള്‍ ഇലക്ട്രിക് പവര്‍ട്രെയിനും പുതിയ ബിഎംഡബ്ല്യു ഐഎക്‌സ് SUVയുടെ സവിശേഷതയാണ്. BMW iX. (Photo: BMW)

200 കെഡബ്ല്യു ഫാസ്റ്റ് ചാര്‍ജര്‍ ഉപയോഗിച്ച് 40 മിനിറ്റിനുള്ളില്‍ 70 ശതമാനം വരെ പൂര്‍ണമായി റീചാര്‍ജ് ചെയ്യാന്‍ സാധിക്കും. പെട്ടെന്നുള്ള ഒരു മിനിറ്റ് ചാര്‍ജ്ജ് കാറിനെ 120 കിലോമീറ്റര്‍ ഓടിക്കാന്‍ സഹായിക്കുമെന്നാണ് ബിഎംഡബ്ല്യു അവകാശപ്പെടുന്നത്.  BMW iX. (Photo: BMW)

പുതിയ ഐഎക്‌സ് SUV ഇന്ത്യയില്‍ അവതരിപ്പിച്ചതിന് ശേഷം ബിഎംഡബ്ല്യു ഒരു മിനി ഇലക്ട്രിക് ഹാച്ച്ബാക്കിനെയാകും രാജ്യത്ത് എത്തിക്കുക. ജനുവരി അവസാനത്തോടെ ഈ ബിഎംഡബ്ല്യു മിനി ഇലക്ട്രിക് ഹാച്ച്ബാക്ക് ഇന്ത്യയിലെത്തുമെന്നാണ് പ്രതീക്ഷിക്കുന്നത്.  BMW iX. (Photo: BMW)

ഇവി മോഡലുകളെ കൂടുതല്‍ സഹായിക്കാനായി ബിഎംഡബ്ല്യു ഡീലര്‍ഷിപ്പുകളിലും 50 കിലോവാട്ട് ഡിസി ചാര്‍ജറുകള്‍ ഫാസ്റ്റ് ചാര്‍ജിംഗിനായി സജ്ജീകരിക്കാനും ബ്രാന്‍ഡ് മുന്നോട്ടു നീങ്ങുകയാണ്.  BMW iX. (Photo: BMW)

പെട്രോൾ, ഡീസൽ എൻജിനുകൾക്കൊപ്പം പ്ലഗ് ഇൻ പവർ ട്രെയ്നോ പൂർണമായും വൈദ്യുത സംവിധാനമോ സഹിതമാവും ഐഎക്സ് 3യുടെ വരവ്. കാറിനു കരുത്തേകുന്നത് 74 കിലോവാട്ട് അവർ ബാറ്ററി പായ്ക്കാണ്. ഒറ്റ ചാർജിൽ കാർ 440 കിലോമീറ്റർ ഓടുമെന്നാണു ബിഎംഡബ്ല്യുവിന്റെ വാഗ്ദാനം.  BMW iX. (Photo: BMW)

ബായ്ക്ക് വീൽ ഡ്രൈവ് ലേ ഔട്ടോടെ എത്തുന്ന കാറിലെ വൈദ്യുത മോട്ടോറിന് 290 പി എസ് വരെ കരുത്തും 400 എൻ എം ടോർക്കും സൃഷ്ടിക്കാൻ കഴിയുമെന്നാണു കണക്ക്. ഔഡിയുടെ ക്യു ഫോർ സ്പോർട് ബാക്ക് ഇ ട്രോൺ കൺസപ്റ്റും മെഴ്സീഡിസിന്റെ ഇക്യുസിയുമാണ് ഐ എക്സ് 3യുടെ എതിരാളികൾ.  BMW iX. (Photo: BMW)

ഐ എക്സ് 3യിലൂടെ തുടക്കം കുറിക്കുന്ന വൈദ്യുത വാഹന ശ്രേണിയിൽ അടുത്ത വർഷത്തോടെ ഐ ഫോർ, ഐ നെക്സ്റ്റ് എന്നിവ കൂടി ലഭ്യമാക്കാനാണു ബി എം ഡബ്ല്യുവിന്റെ നീക്കം.  BMW iX. (Photo: BMW)

2023 ആകുന്നതോടെ 25 വൈദ്യുതീകരിച്ച മോഡലുകൾ പുറത്തിറക്കാനാണു കമ്പനിയുടെ തീരുമാനം. ഇതിൽ പകുതിയും പൂർണമായും വൈദ്യുതീകരിച്ചവയാകുമെന്നും ബിഎംഡബ്ല്യു വ്യക്തമാക്കുന്നു.  BMW iX. (Photo: BMW)

BMW iX. (Photo: BMW)

BMW iX. (Photo: BMW)

BMW iX. (Photo: BMW)