Hero Electric Optima: പുത്തൻ ഇലക്ട്രിക് സ്കൂട്ടറുകളുമായി വിപണി കീഴടക്കാൻ ഹീറോ

രാജ്യത്തെ ഇലക്ട്രിക് സ്കൂട്ടർ വിപണിയിൽ മുന്നേറാൻ പുത്തൻ വണ്ടികളുമായി ഹീറോ. ഒപ്റ്റിമ CX5.0 ഡ്യുവൽ ബാറ്ററി, ഒപ്റ്റിമ CX2.0 സിംഗിൾ ബാറ്ററി, NYX CX5.0 ഡ്യുവൽ ബാറ്ററി ഇലക്ട്രിക് സ്കൂട്ടറുകൾ ഇന്ത്യയിൽ പരിചയപ്പെടുത്തികൊണ്ടാണ് കമ്പനി വീണ്ടും അവതരിച്ചിരിക്കുന്നത്.  (Photo: Paras Yadav/ News18.com)

ഹീറോ ഇലക്ട്രിക് കംഫർട്ട്, സിറ്റി സ്പീഡ് സ്കൂട്ടറുകൾക്ക് യഥാക്രമം 85,000 രൂപ, 95,000 രൂപ, 1.05 ലക്ഷം രൂപ, 1.30 ലക്ഷം രൂപ എന്നിങ്ങനെയാണ് വിപണിയിലെ എക്സ്ഷോറൂം വില. മികച്ച ഇൻ-ക്ലാസ് ബാറ്ററി പായ്ക്കും മെച്ചപ്പെടുത്തിയ സുരക്ഷയുടെയും അകമ്പടിയോടെയാണ് പുതിയ ശ്രേണിയെ ബ്രാൻഡ് അണിനിരത്തുന്നത്. (Photo: Paras Yadav/ News18.com)

പുതുതായി പുറത്തിറക്കിയ ഒപ്റ്റിമ CX5.0 ഡാർക്ക് മാറ്റ് ബ്ലൂ, മാറ്റ് മെറൂൺ എന്നീ നിറങ്ങളിൽ ലഭ്യമാണ്. (Photo: Paras Yadav/ News18.com)

ഒപ്റ്റിമ CX.20 ഡാർക്ക് മാറ്റ് ബ്ലൂ, ചാർക്കോൾ ബ്ലാക്ക് കളർ ഓപ്ഷനുകളിൽ തെരഞ്ഞെടുക്കാനാവും. ചാർക്കോൾ ബ്ലാക്ക്, പേൾ വൈറ്റ് കളർ ഓപ്ഷനുകളിൽ NYX ഇലക്ട്രിക് സ്‌കൂട്ടർ വാങ്ങാനാവുമെന്നും ഇലക്ട്രിക് ഇരുചക്ര വാഹന ബ്രാൻഡ് പറഞ്ഞു. (Photo: Paras Yadav/ News18.com)

പുതിയ ശ്രേണിയിലുള്ള ഇലക്ട്രിക് സ്കൂട്ടറുകൾ അത്യാധുനിക ജാപ്പനീസ് മോട്ടോർ സാങ്കേതിക വിദ്യയോടെയാണ് വരുന്നത്. കൃത്യമായ പെർഫോമൻസിനായി ഇവികൾ ജർമൻ ഇസിയു സാങ്കേതികവിദ്യയുമായി വരുന്നതായും ഹീറോ ഇലക്ട്രിക് അവകാശപ്പെടുന്നു.  (Photo: Paras Yadav/ News18.com)

പുതിയ മോഡലുകൾക്ക് ഹൈബർനേറ്റിംഗ് ബാറ്ററി ടെക്‌നോളജി, ഡൈനാമിക് സിൻക്രൊണൈസ്ഡ് പവർട്രെയിൻ തുടങ്ങിയ ഫീച്ചറുകൾ ലഭിക്കുന്നുണ്ടെന്നും കമ്പനി പറയുന്നു. ഈ പുത്തൻ പരിഷ്ക്കാരങ്ങളെല്ലാം എതിരാളികളിൽ നിന്നും വ്യത്യസ്‌തമാവാൻ ബ്രാൻഡിനെ ഏറെ സഹായിക്കുമെന്നാണ് കമ്പനിയുടെ പ്രതീക്ഷ. (Photo: Paras Yadav/ News18.com)

ആറ് ലക്ഷത്തിലധികം ഉപഭോക്താക്കളിൽ നിന്നുള്ള ഫീഡ്‌ബാക്ക് ഉപയോഗിച്ചാണ് പുതിയ ഇവി ശ്രേണി രൂപകൽപ്പന ചെയ്തിരിക്കുന്നതെന്ന് പുത്തൻ പുതിയ സ്‌കൂട്ടറുകൾ അവതരിപ്പിച്ചുകൊണ്ട് ഹീറോ ഇലക്‌ട്രിക് സിഇഒ സോഹിന്ദർ ഗിൽ പറഞ്ഞു. (Photo: Paras Yadav/ News18.com)

ബാറ്ററി പവർ സ്‌കൂട്ടറുകൾക്ക് ഉപയോഗപ്രദമായ ഊർജമാക്കി മാറ്റാൻ വികസിപ്പിച്ചെടുത്ത പവർട്രെയിനുകളുമായാണ് പുതിയ ശ്രേണിയിലുള്ള മോഡലുകൾ വരുന്നതെന്നും ഗിൽ കൂട്ടിച്ചേർത്തു. ഒപ്റ്റിമ CX5.0, Optima CX2.0 എന്നിവ സ്റ്റൈലിന്റെയും പെർഫോമൻസിന്റെയും ആത്യന്തിക സംയോജനമാണ്.  (Photo: Paras Yadav/ News18.com)

ആകർഷകമായ ഡിസൈനുകളും ശക്തമായ മോട്ടോറുകളും സമാനതകളില്ലാത്ത റൈഡിംഗ് അനുഭവവും നൽകാൻ ഇവ പ്രാപ്‌തമാണ്. ഈ രണ്ട് ഇലക്ട്രിക് സ്കൂട്ടറുകൾക്കും പരുക്കൻ ഭൂപ്രദേശങ്ങളും കാലാവസ്ഥയും കൈകാര്യം ചെയ്യാൻ കഴിയും. (Photo: Paras Yadav/ News18.com)

ഒപ്റ്റിമ CX2.0 മോഡലിന് 1.9kW മോട്ടോറും 2kWh ബാറ്ററി പായ്ക്കുമാണ് തുടിപ്പേകുന്നത്. ഒറ്റ തവണ ചാർജ് ചെയ്‌താൽ ഏതാണ്ട് 89 കിലോമീറ്റർ റേഞ്ച് വരെ നൽകാൻ കഴിവുള്ള ഇവിക്ക് 48 കി.മീ പരമാവധി വേഗത വരെ പുറത്തെടുക്കാൻ കഴിയും (Photo: Paras Yadav/ News18.com)

ഒപ്റ്റിമ CX5.0 അതിന്റെ കണക്റ്റഡ് സാങ്കേതികവിദ്യയും മെച്ചപ്പെട്ട പെർഫോമൻസും ഉപയോഗിച്ച് കാര്യങ്ങൾ മറ്റുതലത്തിലേക്ക് കൊണ്ടുപോകും. 3kWh ബാറ്ററി പായ്ക്കുമായി ജോഡിയാക്കിയ 1.9kW മോട്ടോറാണ് ഇതിൽ സജ്ജീകരിച്ചിരിക്കുന്നത്. തൽഫലമായി 113 കിലോമീറ്റർ റേഞ്ചും 55 കിലോമീറ്ററിന്റെ പരമാവധി വേഗതയും ഇതിന് ലഭിക്കും. (Photo: Paras Yadav/ News18.com)