ഈ 12 കാറുകൾ ഏപ്രിൽ ഒന്ന് മുതൽ ലഭ്യമാകില്ല

റിയൽ ഡ്രൈവിംഗ് എമിഷൻ അഥവാ RDE മാനദണ്ഡങ്ങൾ നടപ്പാക്കാൻ കേന്ദ്രസർക്കാർ തീരുമാനിച്ചിരിക്കുകയാണ്. ഇതോടെ ഏപ്രിൽ 1 മുതൽ വാഹനങ്ങളുടെ പരിസ്ഥിതി മലിനീകരണവുമായി ബന്ധപ്പെട്ട മാനദണ്ഡങ്ങൾ കർശനമാക്കുന്നു. പുതിയ നിയമങ്ങൾ അനുസരിച്ച്, ഓരോ വാഹന നിർമ്മാതാക്കൾക്കും അവരുടെ വാഹനങ്ങൾക്ക് തത്സമയ എമിഷൻ ഡാറ്റ നൽകാൻ കഴിയണം. അതുകൊണ്ടുതന്നെ ചില വാഹനങ്ങളുടെ നിർമാണവും വിൽപനയും ഏപ്രിൽ ഒന്ന് മുതൽ നിർത്തിവെക്കാൻ പോകുകയാണ് രാജ്യത്തെ പ്രമുഖ വാഹന നിർമാതാക്കൾ. ഏപ്രിൽ ഒന്നു മുതൽ ലഭ്യമാകാത്ത കാറുകൾ ഏതൊക്കെയാണെന്ന് നോക്കാം.

നിസ്സാൻ കിക്ക്സ് | നിസാന്റെ സഹോദര ബ്രാൻഡായ റെനോ ഇന്ത്യയിൽ ഡസ്റ്റർ നിർത്തലാക്കിയതുമുതൽ, നിസാൻ കിക്സും നിർത്തുമെന്ന് റിപ്പോർട്ടുകളുണ്ടായിരുന്നു. പുതിയ എമിഷൻ മാനദണ്ഡങ്ങൾ നിലവിൽ വരുന്നതോടെ നിസാൻ കിക്ക്സും വിൽപന നിർത്തിയേക്കും. നിലവിൽ രണ്ട് പെട്രോൾ എഞ്ചിൻ ഓപ്ഷനുകളിൽ കിക്ക്‌സ് ലഭ്യമാണ്, അതിലൊന്ന് ടർബോചാർജ്ഡ് യൂണിറ്റായിരുന്നു. 9.49 ലക്ഷം രൂപ മുതൽ 14.90 ലക്ഷം രൂപ വരെയായിരുന്നു ഇതിന്‍റെ വില,

ടാറ്റ ആൾട്രോസ് ഡീസൽ | അടുത്തിടെയായി ഏറ്റവും ജനപ്രിയമായ പ്രീമിയം ഹാച്ച്ബാക്കാണ് ടാറ്റ ആൾട്രോസ്. എന്നാൽ ഇതിന്‍റെ ഡീസൽ വേരിയന്റ് ഏപ്രിൽ ഒന്നുമുതൽ ലഭ്യമാകില്ല. എന്നാൽ ആൾട്രോസിന്‍റെ ടർബോചാർജ്ഡ് വേരിയന്റ് ഉൾപ്പെടെയുള്ള പെട്രോൾ വേരിയന്റുകളുടെ വിൽപന തുടരും. ആൾട്രോസിന്റെ 1.5 ലിറ്റർ ഡീസൽ എഞ്ചിന് 6-സ്പീഡ് മാനുവൽ ട്രാൻസ്മിഷനുമായി 88 എച്ച്പിയും 200 എൻഎം പീക്ക് ടോർക്കും ലഭിക്കുന്നതായിരുന്നു. ടാറ്റ ആൾട്രോസിന്റെ വില 6.44 ലക്ഷം രൂപയിൽ തുടങ്ങി 9.69 ലക്ഷം രൂപ വരെയാണ്.

ഹോണ്ട WR-V | 2017-ൽ വീണ്ടും ലോഞ്ച് ചെയ്ത WR-V പുതിയ എമിഷൻ മാനദണ്ഡങ്ങൾ കാരണം ഇപ്പോൾ വിപണിയിൽ നിന്ന് ഒഴിവാക്കുകയാണ്. ഈ എസ്‌യുവി രണ്ട് എഞ്ചിൻ ഓപ്ഷനുകളിലാണ് വന്നത്, 1.2 ലിറ്റർ പെട്രോൾ 89 എച്ച്‌പിയും 90 എൻഎമ്മും ഉത്പാദിപ്പിക്കുന്ന 1.5 ലിറ്റർ ഡീസൽ 100 എച്ച്‌പിയും 200 എൻഎമ്മും ഉത്പാദിപ്പിക്കുന്നു. ഡീസലിൽ 5-സ്പീഡും ഡീസലിൽ 6-സ്പീഡ് യൂണിറ്റും ഉണ്ടായിരുന്നു. WR-V-യുടെ ഒരു പുതിയ വേരിയന്റ് വരുമോ എന്നതിനെക്കുറിച്ച് വാർത്തകളൊന്നുമില്ല.

ഹോണ്ട സിറ്റി നാലാം തലമുറ | ഇന്ത്യൻ വിപണിയിൽ ഹോണ്ടയ്ക്ക് ഇതിനകം തന്നെ അഞ്ചാം തലമുറ സിറ്റി ഉള്ളതിനാൽ, നാലാം തലമുറ സിറ്റിയെ കമ്പനി പിൻവലിക്കുകയാണ്. 2014-ൽ വീണ്ടും പുറത്തിറക്കി, 2020-ൽ പരിഷ്ക്കരിച്ച പതിപ്പായിരുന്നു ഇത്. അഞ്ചാം തലമുറ സിറ്റിയിൽ ശ്രദ്ധ കേന്ദ്രീകരിക്കുന്നതിനാലാണ് നാലാം തലമുറ സിറ്റിയെ പിൻവലിക്കുന്നത്.

ഹോണ്ട ജാസ് | വിപണിയിൽ പ്രതീക്ഷിച്ച ചലനം സൃഷ്ടിക്കാത്തതുകൊണ്ട് തന്നെ ജാസിനെ ഹോണ്ട പിൻവലിക്കുകയാണ്. 89 bhp കരുത്തും 110 Nm torque ഉം ഉത്പാദിപ്പിക്കുന്ന 1.2 ലിറ്റർ പെട്രോൾ ആണ് ജാസിന്റെ കരുത്ത്. ജാസിന്റെ വില 8.11 ലക്ഷം രൂപയിൽ തുടങ്ങി 10.41 ലക്ഷം രൂപ വരെ ആയിരുന്നു.

മഹീന്ദ്ര മറാസോ | പുതിയ മാനദണ്ഡങ്ങൾ പ്രാബല്യത്തിൽ വരുന്നതോടെ മഹീന്ദ്ര മറാസോയും നിർത്തലാക്കാനുള്ള ഒരുക്കത്തിലാണ്. ലിസ്റ്റിലെ അടുത്ത രണ്ട് മഹീന്ദ്ര എസ്‌യുവികളെപ്പോലെ മരാസോയുടെ വിൽപന വളരെ മോശമായിരുന്നു. ഏഴ്, എട്ട് സീറ്റുകളുള്ള സീറ്റിംഗ് കോൺഫിഗറേഷനുകളിലും മൂന്ന് ട്രിം ലെവലുകളിലും ഇത് ലഭ്യമാണ്. 123 എച്ച്‌പി കരുത്തും 300 എൻഎം പവറും ഉത്പാദിപ്പിക്കുന്ന 1.5 ലിറ്റർ ഡീസൽ പവർട്രെയിനാണ് മറാസോയ്ക്ക് കരുത്ത് പകരുന്നത്. മരാസോയുടെ അടിസ്ഥാന M2 ട്രിമ്മിന് 13.70 ലക്ഷം രൂപ മുതൽ M6+ ട്രിമ്മിന് 15.95 ലക്ഷം രൂപ വരെയാണ് വില.

മഹീന്ദ്ര KUV 100 | മഹീന്ദ്രയുടെ കെ‌യു‌വി 100 ആണ് വിപണിയിൽനിന്ന് ഒഴിവാക്കുന്ന മറ്റൊരു കാർ. മഹീന്ദ്ര ഏറെ പ്രതീക്ഷയോടെ പുറത്തിറക്കിയ ഈ കാർ വിപണിയിൽ പരാജയമായിരുന്നു. 81 എച്ച്‌പി പരമാവധി കരുത്തും 115 എൻഎം പീക്ക് ടോർക്കും ഉൽപ്പാദിപ്പിച്ച 1.2 ലിറ്റർ പെട്രോളിലാണ് മഹീന്ദ്ര കെയുവി വന്നത്. നാല് വകഭേദങ്ങളിൽ ലഭ്യമാകുന്ന ഇതിന്റെ വില 6.01 ലക്ഷം മുതൽ 7.67 ലക്ഷം രൂപ വരെയായിരുന്നു.

മഹീന്ദ്ര Alturas G4 | നിർത്തലാക്കിയ പട്ടികയിൽ ഇടംനേടിയ മറ്റൊരു മഹീന്ദ്ര കാർ മുൻനിരയിലുള്ള Alturas G4 ആണ്. G4 ഇത്രയും കാലം കമ്പനിയുടെ പോർട്ട്‌ഫോളിയോയിൽ തുടരുന്നു എന്നത് തന്നെ അതിശയിപ്പിക്കുന്നതാണ്. മഹീന്ദ്ര നഷ്ടത്തിലായിരുന്ന സാങ്‌യോങ് ബ്രാൻഡിലെ തങ്ങളുടെ നിയന്ത്രണത്തിലുള്ള ഓഹരികൾ വിറ്റതോടെ അൽതുറാസിന്റെ ഭാവി അനിശ്ചിതത്വത്തിലായിരുന്നു. റീബാഡ്ജ് ചെയ്ത റെക്സ്റ്റൺ ഡിസംബറിൽ ഔദ്യോഗികമായി നിർത്തലാക്കുകയും പുതിയ മുൻനിര സ്ഥാനം മഹീന്ദ്ര XUV700 ഏറ്റെടുക്കുകയും ചെയ്തു.

സ്കോഡ ഒക്ടാവിയ | സ്കോഡയുടെ ജനപ്രിയ കാറായിരുന്ന ഒക്ടാവിയ വിൽപ്പന കുറഞ്ഞതോടെയാണ് പിൻവലിക്കാൻ തീരുമാനിച്ചത്. രാജ്യത്ത് നിർമ്മിക്കുന്ന കാറുകളേക്കാൾ വിദേശത്തുനിന്ന് എത്തിച്ച് ഇവിടെ അസംബിൾ ചെയ്യുന്ന ഒക്ടാവിയയുടെ വില അൽപ്പം കൂടുതലായിരുന്നു. 7 സ്പീഡ് DSG ഓട്ടോമാറ്റിക് ഗിയർബോക്സുമായി ഘടിപ്പിച്ച 2-ലിറ്റർ ടർബോ പെട്രോൾ എഞ്ചിനാണ് ഒക്ടാവിയയ്ക്ക് കരുത്തേകുന്നത്.

സ്കോഡ സൂപ്പർബ് | ഒക്ടാവിയയെപ്പോലെ, സൂപ്പർബും പിൻവലിക്കാൻ സ്കോഡ തയ്യാറെടുക്കുന്നത്. 2-ലൈറ്റ് പെട്രോളും 7-സ്പീഡ് DSG ഗിയർബോക്‌സ് കോമ്പിനേഷനുമാണ് ഇതിന് കരുത്തേകുന്നത്.

മാരുതി സുസുക്കി ആൾട്ടോ 800 | ഏപ്രിൽ മാസത്തോടെ രാജ്യത്തെ മിക്ക 800 സിസി എഞ്ചിൻ പവർ കാറുകളും ഒഴിവാക്കപ്പെടുമെന്നാണ് റിപ്പോർട്ട്. അവയിൽ ഏറ്റവും വലിയ പേര് മാരുതി സുസുക്കി ആൾട്ടോ 800 ആണ്. ഈ കാർ നിർത്തലാക്കുമെന്നത് സംബന്ധിച്ച് ഇതുവരെ ഔദ്യോഗിക അറിയിപ്പില്ല. എന്നിരുന്നാലും ആൾട്ടോ 800 നിർത്തലാക്കുമെന്ന് തന്നെയാണ് ഓട്ടോ രംഗത്തെ വിദഗ്ദർ പറയുന്നത്. ഇപ്പോഴും രാജ്യത്ത് ഏറ്റവുമധികം വിൽക്കപ്പെടുന്ന മാരുതി കാറുകളിലൊന്നാണിത്.

റെനോ ക്വിഡ് | പട്ടികയിൽ ഇടം നേടിയ അടുത്ത ചെറുകാർ റെനോ ക്വിഡാണ്. 800 സിസി എഞ്ചിൻ നൽകുന്ന ക്വിഡ് ഇന്ത്യൻ വിപണിയിലെ ഏറ്റവും വില കുറഞ്ഞ കാറുകളിലൊന്നായിരുന്നു. പെട്രോൾ എഞ്ചിന് 53 എച്ച്‌പി പവറും 73 എൻഎം ടോർക്കും ഉൽപ്പാദിപ്പിക്കാൻ കഴിയും, 4.64 ലക്ഷം രൂപയായിരുന്നു റെനോ ക്വിഡിന്റെ പ്രാരംഭ വില.