വേമ്പനാട്ട് കായലിൽ ഉപ്പിന്റെ തോത് അപകടകരമായി കൂടുന്നു; കർഷകന്റെ വിലാപ ഭൂമിയായി കുട്ടനാട്

ജല ദൗർലഭ്യം മൂലം വേമ്പനാട്ട് കായലിൽ ഉപ്പിന്റെ തോത് അസാധാരണമാം ഉയരുന്നു.

ഒടുവിലത്തെ കണക്ക് പ്രകാരം 23.1 പാർട്സ് പെർ തൗസൻഡാണ് കായൽ ജലത്തിൽ ഉപ്പിന്റെ അളവ്. 2 PPTക്ക് മേൽ ഉപ്പ് കൂടിയാൽ നെൽകൃഷിക്ക് വിനാശകരമായി ബാധിക്കുമെന്നിരിക്കെയാണ് അപകടകരമായ ഈ കുതിപ്പ്.

എഴുപതുകൾ വരെ 5 മുതൽ 10ശതമാനം വരെ ഉയർന്നു നിന്നിരുന്ന വേമ്പനാട്ട് കായലിലെ ഉപ്പിന്റെ അളവ് കഴിഞ്ഞ പത്തു വർഷം കൊണ്ടാണ് വിനാശകരമായ കുതിപ്പിലേക്ക് എത്തിയത്.

2018 ഡിസംബർ, ഏപ്രിൽ മാസങ്ങളിൽ കുട്ടനാടൻ മേഖലയിലെ ലവണാംശം നെൽകൃഷിയെ സാരമായി ബാധിക്കും വിധം 9.2 പാട്സ് പെർ തൗസൻഡ് ആയി ഉയർന്നു .

നെൽകൃഷിക്ക് സഹനീയമായ ഉപ്പിന്റെ അളവ് 2PPT മാത്രമായിരിക്കെയാണ് ഈ വിനാശകരമായ പ്രതിഭാസം .

കായലിലേക്ക് കടക്കുമ്പോൾ സ്ഥിതി ഏറെ ഗൗരവകരമാകും. അന്തർദേശീയ കായൽ ഗവേഷണ കേന്ദ്രത്തിന്റെ ഒടുവിലത്തെ കണക്ക് പ്രകാരം 23.1 ആണ് ഉപ്പിന്റെ അളവ് .

35 എന്ന കടൽ ജലത്തിന്റെ ലവണാംശവുമായി തൊട്ടടുത്ത് നിൽക്കുന്നു.

വല്ലാർപാടം ടെർമിനലിന്റെ കടന്നുവരവോടെ വേലിയേറ്റത്തിൽ സമുദ്ര മേഖലയിൽ നിന്ന് കടന്നുവരുന്ന ഉപ്പു ഏറിയ ജലം കായലിന്റെ തെക്കൻ മേഖലയിലെ ശുദ്ധജലം കവർന്നെടുത്തു കഴിഞ്ഞു .

കഴിഞ്ഞ ഒറ്റമാസം കൊണ്ട് കിഴക്കൻ മേഖലയിൽ നിന്ന് ഒഴുകിയെത്തുന്ന ജലത്തിന്റെ അളവിൽ വലിയ കുറവാണു ഉണ്ടായത്. കായലിലെ ജലനിരപ്പ് ഒരു അടിയോളം കുറഞ്ഞു.

ഇത് ഉപ്പിന്റെ കാഠിന്യം വലിയ തോതിൽ ഉയർത്തും. ഇതാണ് സാഹചര്യമെങ്കിൽ കർഷകന്റെ വിലാപ ഭൂമിയായി കുട്ടനാട് മാറും