കാഞ്ഞിരപ്പള്ളിയിൽ നിയന്ത്രണംവിട്ട ലോറി കാറിലും ബൈക്കിലുമിടിച്ച് മൂന്നു മരണം; രണ്ടുപേർ ഗുരുതരാവസ്ഥയിൽ

കോട്ടയം: കാഞ്ഞിരപ്പള്ളിയിൽ നിയന്ത്രണംവിട്ട ലോറി കാറിലും ബൈക്കിലുമിടിച്ച് മൂന്നുപേർ മരിച്ചു. 

കാർയാത്രക്കാരനായ പെരുവന്താനം സ്വദേശി നേരിയാനിക്കൽ ശ്രീധരൻ പിള്ള, ബൈക്ക് യാത്രികരായ വെംബ്ലി സ്വദേശികളായ പെരുമണ്ണിൽ ഷാജി(48), മണശേരി അരുൺകുമാർ എന്നിവരാണ് മരിച്ചത്.

അപകടത്തിൽ പരിക്കേറ്റ രണ്ടുപേരുടെ നില അതീവ ഗുരുതരമാണ്.

തമിഴ്നാട്ടിൽനിന്നുള്ള ലോറിയാണ് അപകടത്തിൽപ്പെട്ടത്.

ദേശീയപാത 183ൽ കൂട്ടയം കുമളി റോഡിൽ ചോറ്റിക്കും ചിറ്റടിക്കുമിടയിലാണ് അപകടമുണ്ടായത്.

ലോറിയുടെ അമിതവേഗമാണ് അപകടകാരണമെന്ന് നാട്ടുകാർ പറയുന്നു.