വർക്ക് മാത്രമല്ല, ലുക്കിലും മുന്നിൽ തന്നെ; ക്രിസ്റ്റ്യാനോ റൊണാൾഡോയുടെ പുതിയ ലുക്ക് ഏറ്റെടുത്ത് ആരാധകർ

വർക്ക് മാത്രമല്ല, ലുക്കിലും മുന്നിലാണ്. അതാണ് ഞങ്ങളുടെ സൂപ്പർ താരത്തിന്റെ പ്രത്യേകത. പറയുന്നത് യുവന്റസ് താരം ക്രിസ്റ്റ്യാനോ റൊണാൾഡോയുടെ ആരാധകരാണ്.

കോവിഡ് ബാധിതനായ ശേഷം താരം ഇൻസ്റ്റഗ്രാമിൽ പങ്കുവെച്ച ചിത്രങ്ങളിൽ മുടി മുഴുവനായും കള‍ഞ്ഞിട്ടുണ്ട്. പുതിയ ലുക്കിലും താരം കിടിലനാണന്ന് ആരാധകർ പറയുന്നു. (Image: Cristiano Ronaldo/Instagram)

ഓരോ കാലത്തും ഹെയർ സ്റ്റൈലിൽ വ്യത്യസ്തത കൊണ്ടുവരാൻ ശ്രമിക്കുന്ന താരമാണ് റൊണാൾഡോ. പുതിയ മുടിയില്ലാ ലുക്ക് കണ്ട് ആദ്യം അമ്പരെന്നെങ്കിലും ആരാധകർക്കും ഇഷ്ടമായെന്ന് കമന്റുകൾ വ്യക്തമാക്കുന്നു.(Image: Cristiano Ronaldo/Instagram)

നേരത്തേ മുടി അൽപ്പം നീട്ടിയ ലുക്കിലായിരുന്നു താരം. മത്സരവേളയിൽ ഉച്ചിയിൽ മുടി കെട്ടിയുള്ള ലുക്കും ശ്രദ്ധേയമായി.(Image: Cristiano Ronaldo/Instagram)

അതേസമയം, കോവിഡ് ബാധിച്ച് ഐസൊലേഷനിൽ കഴിയുന്ന താരത്തിന്റെ മൂന്നാമത്തെ ടെസ്റ്റും റിസൽട്ടും പോസിറ്റീവായിരുന്നു. കഴിഞ്ഞ ദിവസമാണ് മൂന്നാമത്തെ പരിശോധനാ ഫലം പുറത്തു വന്നത്.(Image: Cristiano Ronaldo/Instagram)

ഐസൊലേഷനിലും വ്യായാമം ചെയ്യുന്ന ചിത്രങ്ങളും വീഡിയോസും താരം ഇൻസ്റ്റഗ്രാമിൽ പങ്കുവെച്ചിട്ടുണ്ട്. കോവിഡ് പരിശോധന വലിയ തമാശയാണെന്നാണ് താരം പ്രതികരിച്ചത്.(Image: Cristiano Ronaldo/Instagram)

താൻ പൂർണമായും ആരോഗ്യവാനായി ഇരിക്കുന്നുവെന്നും യാതൊരു ബുദ്ധിമുട്ടുമില്ലെന്നും റൊണാൾഡോ വ്യക്തമാക്കിയിരുന്നു.(Image: Cristiano Ronaldo/Instagram)

ഒക്ടോബർ 13 നാണ് റൊണാൾഡോ കോവിഡ് ബാധിതനാകുന്നത്. കോവിഡ് പരിശോധനയ്ക്കെതിരെ റൊണാൾഡോയുടെ സഹോദരിയും രംഗത്തെത്തിയിരുന്നു.(Image: Cristiano Ronaldo/Instagram)

സഹോദരൻ പൂർണ ആരോഗ്യവനാണെന്നും കോവിഡിന്റെ പേരിൽ നടക്കുന്ന വലിയ തട്ടിപ്പിന്റെ സൂചനയാണ് ഇത് നൽകുന്നതെന്നും റൊണാൾഡോയുടെ സഹോദരി കാറ്റി അവെയ്റോ കഴിഞ്ഞ ദിവസം പ്രതികരിച്ചത്.(Image: Cristiano Ronaldo/Instagram)

ചാമ്പ്യൻസ് ലീഗിൽ ബാഴ്സലോണയ്ക്കെതിരായ മത്സരത്തിന് മുമ്പായി താരത്തിന് കോവിഡ് നെഗറ്റീവ് ആകുമെന്നായിരുന്നു ആരാധകർ പ്രതീക്ഷിച്ചിരുന്നത്. എന്നാൽ മൂന്നാം ടെസ്റ്റിലും ഫലം പോസിറ്റീവായിരുന്നു.(Image: Cristiano Ronaldo/Instagram)

ബാഴ്സയ്ക്കതെിരെ യുവന്റസ് പരാജയപ്പെടുകയും ചെയ്തു.(Image: Cristiano Ronaldo/Instagram)