കോൺഗ്രസ് സീറ്റില്ല: സ്വതന്ത്രയായി മത്സരിക്കുമെന്ന് സുമലത

ലോക്സഭാ തെരഞ്ഞെടുപ്പിൽ സ്വതന്ത്ര സ്ഥാനാർഥിയായി മത്സരിക്കുമെന്ന് സുമലത

അന്തരിച്ച മുൻ എംപി അംബരീഷിന്റെ ഭാര്യ കൂടിയായ സുമതല അദ്ദേഹത്തിന്റെ മണ്ഡലമായ മാണ്ഡ്യയിൽ നിന്നാകും ജനവിധി തേടുക

നേരത്തെ കോൺഗ്രസ് സീറ്റ് നിഷേധിച്ചതിനെ തുടർന്ന്, സുമലതയ്ക്ക് പിന്തുണ നൽകുമെന്ന് ബിജെപി അറിയിച്ചിരുന്നു

എന്നാൽ ഊഹാപോഹങ്ങൾക്കും അഭ്യൂഹങ്ങൾക്കും വിരാമമിട്ട് സ്വതന്ത്രയായി മത്സരിക്കുമെന്ന് സുമലത പ്രഖ്യാപിക്കുകയായിരുന്നു

ആരെയും വേദനിപ്പിക്കാനില്ല ഈ തീരുമാനം. അംബരീഷ് പൂർത്തിയാകാതെ വിട്ടു പോയ ചില കാര്യങ്ങളുണ്ട്. അത് പൂർത്തിയാക്കണം. മാണ്ഡ്യയിലെ ജനങ്ങൾ അംബരീഷിന് നൽകിയ വിശ്വാസവും സ്നേഹവും എനിക്ക് സംരക്ഷിക്കണം. അതിനു വേണ്ടി ഈ തെരഞ്ഞെടുപ്പിൽ ഞാൻ സ്വതന്ത്രയായി മത്സരിക്കും. സുമലത പ്രസ്താവനയിൽ പറഞ്ഞു

ഒരു കാലത്ത് സിനിമാ രംഗത്ത് തിളങ്ങി നിന്ന് താരമായിരുന്ന സുമലത. തമിഴ്, തെലുങ്ക്, കന്നഡ, മലയാളം, ഹിന്ദി ഭാഷകളിലായി ശ്രദ്ധിക്കപ്പെടുന്ന വേഷങ്ങൾ കൈകാര്യം ചെയ്തിട്ടുണ്ട്.

തൂവാനത്തുമ്പികൾ, ന്യൂഡൽഹി, നിറക്കൂട്ട് അടക്കം പ്രശസ്ത ചിത്രങ്ങളിലൂടെ മലയാളികൾക്കും സുപരിചിതയാണ് സുമലത