വിവാഹവേദിയിലേക്ക് കാള ഇടിച്ചു കയറിയാൽ; വീഡിയോ തരംഗമാവുന്നു

ഭക്ഷണ സ്റ്റാളുകൾ നിരന്ന വിവാഹപ്പന്തലിലേക്കു കാള ഇടിച്ചുകയറുന്ന 15 സെക്കന്റ് വീഡിയോയാണ് സോഷ്യൽ മീഡിയയിൽ എത്തിയത്. തീർത്തും വന്യമായി കാള ഇടിച്ചുകയറുന്ന കാഴ്ച്ച അതിഥികളെ തെല്ലൊന്നുമല്ല പരിഭ്രാന്തിയിലാക്കിയത്. അടുത്ത നിമിഷം എന്തെല്ലാം നാശനഷ്‌ടങ്ങൾ സൃഷ്‌ടിക്കുമെന്ന വേവലാതി ഇത്രയും സമയത്തിനുള്ളിൽ തന്നെ വീഡിയോയിൽ പ്രകടം.

Also read: ‘പരീക്ഷയിൽ തോൽക്കാൻ കാരണം യൂട്യൂബ്’; 75 ലക്ഷം നഷ്ടപരിഹാരം ആവശ്യപ്പെട്ട യുവാവിന് സുപ്രീംകോടതി പിഴയിട്ടു

ഒരാൾ ആംഗ്യം കാട്ടി മറ്റൊരു സ്ഥലത്തേക്ക് കാളയുടെ ശ്രദ്ധ ക്ഷണിക്കുന്നതും കാണാം. എന്നാൽ അകന്നുമാറുന്നതിനു പകരം, വ്യക്തിയുടെ അടുത്തേക്ക് പായുന്ന കാളയെ ആണ് കാണാൻ സാധിക്കുക. ആക്രമണത്തിൽ നിന്നും സ്വയം ചെറുത്തുനിൽപ്പ് നടത്താൻ അയാൾ നിലത്തുവീണ് കിടക്കുന്നതുകാണാം. കണ്ണാടി കൊണ്ട് അലങ്കരിച്ച ഒരു സ്റ്റോളിലേക്കും കാള കയറുന്നുണ്ട്. ഇതിനുള്ളിൽ കണ്ണാടി കൊണ്ടുള്ള നിരവധി ഉത്പ്പന്നങ്ങളും കാണാം.

advertisement

വേദിയിൽ നിന്നും കാള അകന്നതും, അവിടെയുണ്ടായിരുന്ന പലരും ആശ്വാസം കൊണ്ട് നെടുവീർപ്പിട്ടു. വീഡിയോ സോഷ്യൽ മീഡിയയിൽ ശ്രദ്ധ നേടി മുന്നേറുകയാണ്. കാള ഇത്ര വേഗം പോയില്ല എങ്കിൽ ഒരുപക്ഷെ അവിടെ കൂടുതൽ പ്രശ്നങ്ങൾ ഉണ്ടായേനെ എന്ന് പലരും ആശങ്ക പ്രകടിപ്പിച്ചു.

Summary: An internet video of a bull charging into a wedding location, where everything was ready for a vibrant start to a new life, has gone viral. The 15-second video that was posted to Twitter has received a lot of shares, retweets, and comments. However, the animal quickly left the area, and the situation was under control