വെറുതെ ഫോട്ടോ പങ്കുവെക്കാനും വീഡിയോ കാണാനും മാത്രമല്ല ഇന്‍സ്റ്റഗ്രാമിനെ മികച്ച ഒരു വരുമാന ശ്രോതസായി കാണുന്നവരുമുണ്ട്. സിനിമ നടി നടന്മാര്‍ മുതല്‍ കായിക താരങ്ങള്‍ വരെ ഇതില്‍ പെടും. ജനങ്ങള്‍ക്കിടയില്‍ ഇന്ന് അത്രയധികം സ്വാധീനം ചെലുത്തുന്ന സോഷ്യല്‍ മീഡിയ പ്ലാറ്റ്ഫോമാണ് ഇൻസ്റ്റാഗ്രാം. അതുകൊണ്ട് തന്നെ അതിനാല്‍ ഒരു ഉല്‍പ്പന്നം വിപണിയിലെത്താൻ പരസ്യക്കാര്‍ ആദ്യം സമീപിക്കുന്നത് ഏറ്റവും കൂടുതല്‍ ഫോളോവേഴ്സ് ഉള്ള ഇൻസ്റ്റഗ്രാമിലെ ഈ പ്രമുഖരെയാണ്.
advertisement
ഓരോ പോസ്റ്റിനും കോടികള്‍ പ്രതിഫലം വാങ്ങുന്നവര്‍ ഇവര്‍ക്കിടയിലുണ്ട്. ഇതിൻ്റെ കണക്കുകള്‍ പുറത്ത് വിട്ടിരിക്കുകയാണ് യുകെ ആസ്ഥാനമായുള്ള എച്ച്‌ക്യൂ എന്ന റിസര്‍ച്ച്‌ കമ്പനി. ഷാരൂഖ് ഖാൻ, പ്രിയങ്ക ചോപ്ര, അമിതാഭ് ബച്ചൻ എം എസ് ധോണി തുടങ്ങിയ ഇന്ത്യന്‍ താരങ്ങള്‍ തങ്ങളുടെ പേജില്‍ പങ്കുവെക്കുന്ന ഓരോ പെയ്ഡ് പോസ്റ്റുകള്‍ക്കും കോടികളാണ് പ്രതിഫലമായി വാങ്ങുന്നത് . ഇവരില്‍ ഏറ്റവും കൂടുതല്‍ പ്രതിഫലം വാങ്ങുന്നത് ആരാണ് എന്ന വിവരം പുറത്തുവന്നിരിക്കുകയാണ് ഇപ്പോള്‍.
മുന്‍ ഇന്ത്യന്‍ ക്രിക്കറ്റ് താരം വിരാട് കോലിയാണ് ഇന്‍സ്റ്റഗ്രാമില്‍ നിന്ന് ഏറ്റവുമധികം പണം സമ്പാദിക്കുന്ന ഇന്ത്യന്‍ താരം. പങ്കുവെക്കുന്ന ഓരോ പെയ്ഡ് പോസ്റ്റിനും ഏകദേശം 9 കോടിയോളമാണ് താരം നേടുന്നതെന്ന് റിപ്പോര്‍ട്ടില്‍ പറയുന്നു. ലോകത്ത് ഇൻസ്റ്റഗ്രാമില്‍ ഏറ്റവും കൂടുതല്‍ പ്രതിഫലം പറ്റുന്ന 100 പേരുടെ പട്ടികയില്‍ ഇടം നേടിയ രണ്ട് ഇന്ത്യക്കാരില്‍ ഒരാളാണ് കോഹ്‌ലി. ഒരു പോസ്റ്റിന് ഏകദേശം 423,000 ഡോളർ (3.5 കോടി രൂപ) സമ്പാദിക്കുന്ന പ്രിയങ്ക ചോപ്രയാണ് ഈ നിരയിലെ മറ്റൊരു ഇന്ത്യക്കാരി.
ക്രിക്കറ്റ് താരം എന്ന നിലയില്‍ നിരവധി ആരാധകരുള്ള വിരാട് കോഹ്ലിക്ക് ബോളിവുഡ് താരം അനുഷ്കാ ശര്‍മ്മയുമായുള്ള വിവാഹത്തിന് ശേഷം വിപണി മൂല്യം വന്‍ തോതില്‍ വര്‍ധിച്ചിരുന്നു.