Also Read-പുതിയ കാല രാഷ്ട്രീയത്തിന്റെ മുഖമായ ജസീന്ത ആർഡേൻ ആരാണ്?
പിന്നീട് പല അവസരങ്ങളിലും ജസീന്ത വാർത്തകളിൽ നിറഞ്ഞു. എന്നാൽ ഇപ്പോൾ തന്റെ ഭരണമികവ് എണ്ണിപ്പറഞ്ഞു കൊണ്ടുള്ള ഇവരുടെ ഒരു വീഡിയോയാണ് വൈറലാകുന്നത്. ജസീന്തയുടെ നേതൃത്വത്തിലുള്ള സര്‍ക്കാർ അധികാരത്തിലെത്തി രണ്ട് വർഷം പിന്നിട്ട സാഹചര്യത്തിലാണ് വീഡിയോ. സർക്കാരിന്റെ സുപ്രധാന നേട്ടങ്ങൾ രണ്ട് മിനിറ്റിൽ പറഞ്ഞു തീർക്കണമെന്ന ഒരു വെല്ലുവിളിയാണ് താൻ ഏറ്റെടുത്തിരിക്കുന്നതെന്ന ആമുഖത്തോടെയാണ് ജസീന്ത, രാജ്യത്ത് നടപ്പാക്കിയ വിവിധ പദ്ധതികൾ വീഡിയോയിൽ പറയുന്നത്. മുഴുവനും പറയാനായില്ലെങ്കിലും സുപ്രധാന നേട്ടങ്ങളെല്ലാം തന്നെ ഈ രണ്ട് മിനിറ്റിനുള്ളിൽ ന്യൂസിലാൻഡ് പ്രധാനമന്ത്രി പറഞ്ഞു നിർത്തി എന്നതാണ് ശ്രദ്ധേയം.
advertisement
Also Read-വീണ്ടും മനംകവർന്ന് ജസീന്ത ആർഡേൺ; പഴ്സെടുക്കാൻ മറന്ന അമ്മയുടെ ബില്ലടച്ചു
92000 തൊഴിലവസരങ്ങൾ, 2200 പേർക്ക് സർക്കാർ സഹായത്തോടെ വീട്, മികച്ച കാന്‍സര്‍ ചികിത്സ സേവനം, തോക്ക് നിയന്ത്രണ നിയമങ്ങൾ, ഒറ്റത്തവണ ഉപയോഗിക്കുന്ന പ്ലാസ്റ്റികിന്റെ നിയന്ത്രണം, കാര്‍ബൺ വാതകം പുറംതള്ളുന്നത് നിയന്ത്രിക്കാൻ സീറോ കാർബൺ ബിൽ, 140 മില്യൺ മരങ്ങൾ വച്ചു പിടിപ്പിക്കൽ, സ്കൂളുകളിലെ സൗജന്യ ഉച്ചഭക്ഷണം, വിവിധ തൊഴില്‍ മേഖലകളിലെ ശമ്പള പരിഷ്കരണം എന്നിവയൊക്കെയാണ് പ്രധാന നേട്ടമായി ജസീന്ത എണ്ണിപ്പറഞ്ഞത്.
രണ്ട് മിനിറ്റിനുള്ളിൽ രണ്ട് വർഷത്തെ നേട്ടങ്ങൾ വിശദമാക്കിയ ജസീന്തയുടെ വീഡിയോ അധികം വൈകാതെ തന്നെ വെറലായി. അവിശ്വസനീയം എന്നാണ് വീഡിയോയെ ജനങ്ങൾ വിശേഷിപ്പിക്കുന്നത്.