ലൈവ് റിപ്പോർട്ടിങ് നിർത്തി അപകട സ്ഥലത്തേക്ക് ഓടിയ റിപ്പോർട്ടർ; അനഘയെ അഭിനന്ദിച്ച് സോഷ്യൽമീഡിയ

റിപ്പോർട്ടർ ചാനൽ വയനാട് റിപ്പോർട്ടർ ആയ അനഘ റീജ ഭരതൻ ആണ് ലൈവ് റിപ്പോർട്ടിങ്ങിനിടയിൽ അപകടസ്ഥലത്തേക്ക് ഓടിയെത്തിയത്. തെരഞ്ഞെടുപ്പ് പ്രചരണത്തിനുള്ള പരസ്യപ്രചരണത്തിന്റെ അവസാനദിവസം ലൈവ് റിപ്പോർട്ട് ചെയ്യുന്നതിനിടയിലാണ് അനഘയുടെ പിന്നിൽ വാഹനാപകടമുണ്ടായത്.

അവതാരകയുടെ ചോദ്യത്തിന് മറുപടി നൽകുന്നതിനിടയിൽ പുറകിൽ  ശബ്ദം കേട്ട് തിരിഞ്ഞു നോക്കിയ അനഘ അവതാരകയോട് ഇവിടെ ഒരു അപകടം നടന്നുവെന്നും ക്യാമറ അങ്ങോട്ട് തിരിക്കുന്നതും കാണാം. പിന്നീട് കാണുന്നത് അപകടം നടന്നയിടത്തേക്ക് ഓടിപ്പോകുന്ന അനഘയെയാണ്. ഇത്രയുമാണ് വീഡിയോയിൽ ഉള്ളത്.

advertisement

റിപ്പോർട്ടിങ്ങിനേക്കാൾ വലുത് മനുഷ്യസ്നേഹമാണെന്നും അപകടം നടന്നത് കണ്ടിട്ടും റിപ്പോർട്ടിങ് തുടരാതെ ഓടിയെത്തിയ അനഘയുടെ മനുഷ്യത്വത്തെയാണ് സോഷ്യൽമീഡിയ അഭിനന്ദിക്കുന്നത്. ലൈവിനിടയിൽ ക്ഷമ പറഞ്ഞ് ഓടിപ്പോകുന്ന അനഘയുടെ വീഡിയോ ഇതിനകം വൈറലാണ്. സുഹൃത്തുക്കളും സഹപ്രവർത്തകരുമടക്കം നിരവധി പേർ അനഘയ്ക്ക് അഭിനന്ദനങ്ങളുമായി എത്തിയിട്ടുണ്ട്.