വാഹനാപകടത്തിൽപ്പെട്ട് കോമയിലായ യുവാവ് ഇഷ്ടഭക്ഷണത്തിന്‍റെ പേര് കേട്ട് ചാടി എഴുന്നേറ്റു!

എന്നാൽ കഴിഞ്ഞ ദിവസം അപ്രതീക്ഷിതമായി ചിയു കിടക്കയിൽ എഴുന്നേറ്റിരിക്കുകയായിരുന്നു. അദ്ദേഹത്തിന്‍റെ ഇഷ്ടഭക്ഷണത്തിന്‍റെ പേര് സഹോദരൻ പറയുന്നതുകേട്ടാണ് ചിയൂ ചാടി എഴുന്നേറ്റത്. ചിയുവിന് ഏറെ പ്രിയപ്പെട്ട ചിക്കൻ ഫില്ലറ്റ് കഴിക്കാൻ പോകുകയാണെന്നാണ് സഹോദരൻ കിടക്കയ്ക്ക് സമീപം വെച്ച് പറഞ്ഞത്. സഹോദരൻ ഇങ്ങനെ പറഞ്ഞതോടെ ചിയുവിന്‍റെ പൾസ് നിരക്ക് പെട്ടെന്ന് ക്രമാതീതമായി വർദ്ധിച്ചു. തൊട്ടുപിന്നാല കൈയും കാലും അനക്കിയ ചിയു, എഴുന്നേറ്റ് ഇരിക്കുകയായിരുന്നു. ജീവിതത്തിലേക്ക് മടങ്ങിവരില്ലെന്ന് ഏറെക്കുറെ വിധിയെഴുതിയ ഡോക്ടർമാരും ആശുപത്രി ജീവനക്കാരും ശരിക്കും ഞെട്ടിപ്പോയിരുന്നു.

advertisement

രണ്ടു ദിവസത്തെ നിരീക്ഷണത്തിനുശേഷം കഴിഞ്ഞ ദിവസം ചിയൂ ആശുപത്രി വിട്ടു. ഊഷ്മളമായ യാത്രയയപ്പാണ് ചിയുവിന് ആശുപത്രി അധികൃതർ നൽകിയത്. കേക്ക് മുറിച്ചാണ് അവർ സന്തോഷം പങ്കിട്ടു. തന്നെ ചികിത്സിച്ച ഡോക്ടർമാർക്കും ആശുപത്രി ജീവനക്കാർക്കും ചിയു നന്ദി പറഞ്ഞത് ഏറെ വികാരനിർഭരമായ രംഗങ്ങൾക്കാണ് ആശുപത്രിയിലെ കോൺഫറൻസ് ഹാൾ സാക്ഷിയായത്.

ജൂലൈയിലുണ്ടായ വാഹനാപകടത്തിൽ ഗുരുതരമായി പരിക്കേറ്റാണ് ചിയുവിനെ ആശുപത്രിയിൽ പ്രവേശിപ്പിച്ചത്. മസ്തിഷ്കം ഉൾപ്പടെ ചിയുവിന്‍റെ ആന്തരിക അവയവങ്ങൾക്ക് ഗുരുതരമായി പരിക്കേറ്റു. ആറു മേജർ ശസ്ത്രക്രിയകളാണ് ചിയുവിന് നടത്തിയത്. എന്നാൽ ചികിത്സകളൊന്നും ഫലം കാണാതെ ചിയു കോമയിലാകുകയായിരുന്നു.