” എനിക്ക് ലഭിക്കുന്ന പണം ചെലവാക്കാന്‍ അമ്മ സമ്മതിക്കാറില്ല. അതുകൊണ്ട് എത്രയാണ് എന്റെ വരുമാനം എന്ന് അമ്മയോട് പറഞ്ഞു. എന്നാൽ ഇപ്പോള്‍ അമ്മയുടെ ബന്ധുക്കള്‍ എന്നെ സ്ഥിരമായി ഫോണ്‍ വിളിക്കുകയാണ്. പണം ആവശ്യപ്പെട്ടാണ് അവര്‍ വിളിക്കുന്നത്,” യുവാവ് പറഞ്ഞു. ശമ്പളം എത്രയാണെന്ന് പറഞ്ഞതോടെ അമ്മ കുറച്ചധികം ഷോപ്പിംഗ് നടത്തുന്നുണ്ട്. അതില്‍ തനിക്ക് സന്തോഷമേയുള്ളൂവെന്നും യുവാവ് പറയുന്നു. മൂന്ന് ദിവസം മുമ്പാണ് റെഡ്ഡിറ്റില്‍ യുവാവ് ഈ പോസ്റ്റിട്ടത്. നിരവധി പേരാണ് യുവാവിന്റെ പോസ്റ്റില്‍ പ്രതികരിച്ച് രംഗത്തെത്തിയത്.
advertisement
My mom wouldn’t let me spend my money, so I told her my real income. Now all her relatives are calling me and asking me for moneyby u/gautam_arya in india
” ഒന്നുകില്‍ പണം ചോദിക്കുന്നവരോട് നോ പറയാന്‍ പഠിക്കണം. അല്ലെങ്കില്‍ ഇനിയൊരിക്കലും തിരിച്ച് കിട്ടില്ലെന്ന പ്രതീക്ഷയോടെ പണം കൊടുക്കണം,” എന്നാണ് ഒരാള്‍ യുവാവിന്റെ പോസ്റ്റിന് മറുപടി നല്‍കിയത്. ‘ ഒരിക്കലും ബന്ധുക്കളോട് നിങ്ങളുടെ യഥാര്‍ത്ഥ ശമ്പളം എത്രയാണെന്ന് പറയരുത്,” എന്നായിരുന്നു മറ്റൊരാളുടെ കമന്റ്. പണം അനാവശ്യമായി കളയരുത്. ആരെങ്കിലും കടം ചോദിച്ചാല്‍ പണം കൈയ്യിലില്ല, നിക്ഷേപത്തിലാണെന്ന് പറയണം,” എന്നായിരുന്നു മറ്റൊരാളുടെ കമന്റ്. ” ശമ്പളം കൂടുതലുണ്ടെന്ന് കള്ളം പറഞ്ഞതാണെന്നും നിങ്ങള്‍ക്ക് കുറച്ചധികം കടം തീര്‍ക്കാനുണ്ടെന്നും പറയണം. മുമ്പ് അവര്‍ കടം വാങ്ങിയ പണം തിരികെ തരാനും ആവശ്യപ്പെടാവുന്നതാണ്,” ഇങ്ങനെ ആയിരുന്നു മറ്റൊരാളുടെ ഉപദേശം