Gold Smuggling | 20 കിലോ സ്വർണം പിടികൂടി; കോഴിക്കോട് സ്വദേശികളുടെ 1.84 കോടി രൂപയുടെ സ്വത്ത് കണ്ടുകെട്ടി ഇ.ഡി

2013-ൽ എഫ്.ഐ.ആർ രജിസ്റ്റർ ചെയ്ത കേസിൽ കള്ളപ്പണം വെളുപ്പിക്കല്‍ നിരോധന നിയമ പ്രകാരമാണ് എന്‍ഫോഴ്‌സ്‌മെന്റ് നടപടി എടുത്തിരിക്കുന്നത്. സ്വത്ത് കണ്ടുകെട്ടിയ വിവരം ഔദ്യോഗിക ട്വിറ്റർ അക്കൗണ്ടിലൂടെ ഇ.ഡി ആദ്യം അറിയിച്ചത്.

നെടുമ്പാശേരി വിമാനത്താവളത്തിൽ രണ്ടു സ്ത്രീകളിൽ നിന്നും 20 കിലോ സ്വർണം കസ്റ്റംസ്  പിടികൂടിയ കേസിൽ നടത്തിയ തുടരന്വേഷണത്തിലാണ് സ്വത്ത് കണ്ടുകെട്ടിയതെന്ന് ഇ‍.ഡി പത്രക്കുറിപ്പിൽ വ്യക്തമാക്കി. സംഭവത്തിൽ സി.ബി.ഐയും കേസെടുത്തിട്ടുണ്ട്.