ചികിത്സയ്ക്ക് എത്തിയ പെൺകുട്ടിയ്ക്കു നേരെ ലൈംഗികാതിക്രമം; കോട്ടയം മുൻ ജില്ലാ മെഡിക്കൽ ഓഫീസര്‍ അറസ്റ്റിൽ

ചികിത്സയ്ക്കായി ക്ലിനിക്കിൽ എത്തിയ 24 കാരിയോട് ഇയാൾ അപമര്യാദയായി പെരുമാറുകയായിരുന്നു എന്നാണ് പരാതി. 24 കാരിയുടെ വസ്ത്രം അഴിച്ചു പരിശോധിക്കുകയും ശരീരഭാഗങ്ങളിൽ സ്പർശിക്കുകയും ചെയ്തെന്ന് പരാതിയിൽ പറയുന്നു. തുടർന്ന് കുട്ടിയുടെ വീട്ടുകാർ പാലാ പോലീസിൽ പരാതി നൽകി.

കഴിഞ്ഞ ദിവസമാണ് യുവതി ചികിത്സയ്ക്കായി രാഘവന്റെ ക്ലിനിക്കിൽ എത്തിയത്. ചികിത്സക്ക് ഇടയിലാണ് ഇയാൾ ലൈംഗികമായി ഉപദ്രവിച്ചത്. തുടർന്നാണ് യുവതി പൊലീസിൽ പരാതി നൽകിയത്. സംഭവത്തിൽ പൊലീസ് വിശദമായ അന്വേഷണം നടത്തുകയാണ്. ഇന്ന് രാവിലെയാണ് രാഘവനെ അറസ്റ്റ് ചെയ്യുന്നത്.

advertisement