വ്യാജ നമ്പർ പതിച്ച് ആംബുലൻസ് സർവീസ് നടത്തിയിരുന്ന ആൾ പിടിയിൽ

കൊട്ടാരക്കര മൈലം വില്ലേജിൽ ഇഞ്ചക്കാട്, കാരമൂട്, പാലവിള വീട്ടിൽ റെബിൻ തോമസ്സിനെ (29) ആണ് കൊട്ടാരക്കര പോലീസ് അറസ്റ്റ് ചെയ്തത്. വെട്ടിക്കവല സ്വദേശിയായ ഷിബു എന്നയാളുടെ പരാതിയുടെ അടിസ്ഥാനത്തിലാണ് കൊട്ടാരക്കര പോലീസ് കേസെടുത്തത്.

ഷിബുവിന്റെ ഉടമസ്ഥതയിലുള്ള KL-09 V 5037-ാം നമ്പർ മാരുതി ഒമിനി ആംബുലൻസ് വാഹനം വർഷങ്ങൾക്കു മുൻപ് കർണാടകയിൽ കൊണ്ടുപോയി വിൽപ്പന നടത്തിയിരുന്നു. ഈ വാഹനത്തിന്റെ രേഖകൾ വ്യാജമായി ഉണ്ടാക്കി അതേ കമ്പനിയുടെ മറ്റൊരു വാഹനത്തിൽ വ്യാജമായി രജിസ്ട്രേഷൻ നമ്പർ ഉൾപ്പെടെ ഉപയോഗിക്കുകയായിരുന്നു. പ്രതി റോബിൻ മൂന്നു വർഷത്തോളമായി ആംബുലൻസ് സർവീസ് നടത്തിവരുന്നുണ്ട്. തന്റെ പഴയ വണ്ടിയുടെ രജിസ്ട്രേഷൻ നമ്പർ ഉപയോഗിച്ച് മറ്റൊരു വണ്ടി സർവീസ് നടത്തുന്ന കാര്യം ശ്രദ്ധയിൽ പെട്ട ഷിബു കൊട്ടാരക്കര പോലീസ് സ്റ്റേഷനിൽ പരാതിപ്പെട്ടു.

advertisement

ഷിബു നൽകിയ പരാതിയുടെ അടിസ്ഥാനത്തിൽ കൊട്ടാരക്കര ഐ എസ് എച്ച് ജോസഫ് ലിയോണിനെ നേതൃത്വത്തിൽ എസ് ഐ സുദർശനൻ സി.പി.ഒ മാരായ ഷിബു കൃഷ്ണൻ, ജിബ്സൺ ജെയിംസ്, ബിനീഷ് കുമാർ, സലിൽ എന്നിവരടങ്ങിയ പോലീസ് സംഘത്തിന്റെ അന്വേഷണത്തിലാണ് പ്രതിയെ പിടികൂടിയത്. പോലീസ് നടത്തിയ വാഹന പരിശോധനയിൽ പിടിച്ചെടുത്ത വാഹനത്തിന്റെ എഞ്ചിൻ നമ്പരുൾപ്പെടെ തിരുത്തിയിട്ടുള്ളതായി കണ്ടെത്തിയിട്ടുണ്ട്. ഈ കേസിൽ കൂടുതൽ പ്രതികൾ ഉൾപ്പെട്ടിട്ടുണ്ടോ എന്ന് അന്വേഷിച്ചു വരുന്നതായി ഐ. എസ്. എച്ച്. ഒ. ജോസഫ് ലിയോൺ അറിയിച്ചു. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

പൊലീസിനെ വെട്ടിച്ചുകടന്ന റിമാൻഡ് പ്രതിയെ പിങ്ക് പൊലീസ് സാഹസികമായി പിടികൂടി

ചി​കി​ത്സ​യ്ക്കായി എത്തിച്ച റി​മാ​ന്‍​ഡ് പ്ര​തി ആശുപത്രിയിൽ നിന്ന് പൊ​ലീ​സി​നെ വെ​ട്ടി​ച്ചു​ക​ട​ന്നു. പിന്നീട് പിങ്ക് പൊലീസ് സംഘം പ്രതിയെ സാഹസികമായി പിടികൂടി. പ​ത്ത​നാ​പു​രം പി​ട​വൂ​ര്‍ ക​മു​കും​ചേ​രി മ​ണി​ഭ​വ​നം വീ​ട്ടി​ല്‍ ജി. ​ര​തീ​ഷ് കു​മാ​ര്‍ (43- രാ​ജീ​വ്) ആ​ണ് ര​ക്ഷ​പ്പെ​ടാ​ന്‍ ശ്ര​മി​ച്ച​ത്. പ​ത്ത​നാ​പു​രം എം.​എ​ല്‍.​എ​ കെ ബി ഗണേഷ് കുമാറിന്‍റെ ഓ​ഫി​സ്​ അ​ടി​ച്ച്‌ ത​ക​ര്‍​ത്ത് ജീ​വ​ന​ക്കാ​രെ ആ​ക്ര​മി​ച്ച്‌ കൊ​ല​പ്പെ​ടു​ത്താ​ന്‍ ശ്ര​മി​ച്ച​തി​ന് പ​ത്ത​നാ​പു​രം പൊ​ലീ​സ്​ ര​ജി​സ്​​റ്റ​ര്‍ ചെ​യ്ത കേ​സി​ല്‍ റി​മാ​ന്‍​ഡി​ല്‍ ക​ഴി​ഞ്ഞു​വ​രു​ക​യാ​യി​രു​ന്നു രതീഷ് കുമാർ.

Also Read- രോഗിയുമായി പോയ കാർ ഇടിച്ചു; കിഴക്കമ്പലത്ത് മൂന്ന് സ്ത്രീകൾ മരിച്ചു

വെ​ള്ളി​യാ​ഴ്ച രാ​വി​ലെ ജി​ല്ലാ ജ​യി​ലി​ല്‍ നി​ന്ന് ജ​യി​ല്‍- പൊ​ലീ​സ് ഉ​ദ്യോ​ഗ​​സ്ഥ​ർക്കൊപ്പം ചി​കി​ത്സ​ക്കാ​യി ജ​യി​ല്‍ ആം​ബു​ല​ന്‍​സി​ല്‍ ജി​ല്ലാ ആ​ശു​പ​ത്രി​യി​ല്‍ ഇയാളെ എത്തിച്ചിരുന്നു. ഏ​ഴ് പ്ര​തി​കളെയാണ് ആശുപത്രിയിൽ എത്തിച്ചത്. ആശുപത്രിയിൽ പരിശോധനയ്ക്ക് കാത്തു നിൽക്കുന്നതിനിടെയാണ് രതീഷ് കുമാർ പ്രി​സ​ണ്‍ ഓ​ഫി​സ​റെ വെ​ട്ടി​ച്ച്‌ ക​ട​ന്ന് ര​ക്ഷ​പ്പെ​ടാ​ന്‍ ശ്ര​മി​ച്ച​ത്.

ഉടൻ തന്നെ വിവരം പൊലീസ് കൺട്രോൾ റൂമിൽ അറിയിച്ചു. പ്ര​തി ര​ക്ഷ​പ്പെ​ട്ട വി​വ​രം അ​റി​ഞ്ഞ ജി​ല്ല പോ​ലീ​സ്​ മേ​ധാ​വി ടി. ​നാ​രാ​യ​ണ​ന്‍ സി​റ്റി പ​രി​ധി​യി​ലെ മു​ഴു​വ​ന്‍ പൊ​ലീ​സ്​ സേ​ന​യെയും അ​ല​ര്‍​ട്ട് ചെ​യ്തു. ഈ സമയം കൊല്ലം നഗരത്തിൽ പെട്രോളിങ് നടത്തുകയായിരുന്നു പിങ്ക് പൊലീസ് സംഘം റിമാൻഡ് പ്രതിയെ കണ്ടു. പൊലീസ് കണ്ടെന്ന് മനസിലാക്കിയ ഇയാൾ ഓടിരക്ഷപെടാൻ ശ്രമിച്ചു. എന്നാൽ പിങ്ക് പൊലീസ് സംഘം ഇയാളെ പിന്തുടർന്ന് സാഹസികമായി പിടികൂടുകയായിരുന്നു.

​പിങ്ക് ​പൊ​ലീ​സ്​ സം​ഘ​ത്തി​ലെ സീനിയർ സി.​ പി.​ ഒ സി​ന്ധു, സി.​ പി.​ ഒ വി​ദ്യ, ദ്രു​ത​ക​ര്‍​മ​സേ​ന​യി​ലെ സി.​ പി.​ ഒ മ​നേ​ഷ് ബാ​ബു എ​ന്നി​വ​ര​ട​ങ്ങി​യ സം​ഘ​മാ​ണ് മ​ണി​ക്കൂ​റു​ക​ള്‍​ക്ക​കം പ്ര​തി​യെ പി​ടി​കൂ​ടി​യ​ത്. രതീഷ് കുമാറിനെതിരെ ത​ട​വ് ചാ​ടി​യ​തി​ന് കൊ​ല്ലം ഈ​സ്​​റ്റ്​ ​പൊലീ​സ്​ കേ​സ്​ എ​ടു​ത്തു.