വർക്കലയിൽ റഷ്യൻ യുവതിക്ക് നേരെ ലൈംഗികാതിക്രമം നടത്തിയ പ്രതി പിടിയിൽ

പ്രതിയെ ഒളിത്താവളത്തിൽ നിന്ന് പിടികൂടാൻ ശ്രമിക്കുന്നതിനിടെ ഇയാൾ പോലീസിനെ വെട്ടിച്ച് കടക്കാൻ ശ്രമിച്ചു. എന്നാൽ പോലീസ് സംഘം പിന്തുടർന്ന് അതിസാഹസികമായാണ് ഇയാളെ കീഴ്പ്പെടുത്തിയത്. പിടിയിലായ അനസ് സ്ഥിരം കുറ്റവാളിയാണെന്ന് പോലീസ് പറയുന്നു. വർക്കല, കടയ്ക്കാവൂർ, അഞ്ചുതെങ്ങ് എന്നീ പോലീസ് സ്റ്റേഷൻ പരിധികളിലായി മോക്ഷണം, പിടിച്ചുപറി, ആക്രമണം തുടങ്ങി മുപ്പത്തിയെട്ടോളം ക്രിമിനൽ കേസുകളിൽ പ്രതിയാണ് ഇയാൾ.