സദ്യയ്ക്ക് പായസം കൊടുത്തില്ല; വിളമ്പുകാരനെ യുവാവ് കല്ലുകൊണ്ടിടിച്ചു

പായസം നൽകാത്തതിൽ പ്രകോപിതനായ യുവാവ് വിളമ്പുകാരനെ ആക്രമിക്കുകയായിരുന്നു. മർദനത്തിന് പുറമെ, വിളമ്പുകാരന്റെ വീട്ടിലെത്തി അമ്മയെയും സഹോദരിയെയും ഭീഷണിപ്പെടുത്തുകയും വീട്ടുപകരണങ്ങൾ നശിപ്പിക്കുകയും ചെയ്തതായും പരാതിയുണ്ട്.

സംഭവത്തിൽ പ്രതിക്കെതിരെ ആലപ്പുഴ സൗത്ത് പോലീസ് കേസെടുത്തു. തുടർന്ന് ഇയാളെ സ്റ്റേഷൻ ജാമ്യത്തിൽ വിട്ടയച്ചു.