സ്കൂൾ വിദ്യാർഥികളുടെ മോർഫ് ചെയ്ത നഗ്നചിത്രങ്ങൾ ഫോണിൽ സൂക്ഷിച്ച പ്രിൻസിപ്പൽ അറസ്റ്റിൽ

പഠനാവശ്യങ്ങൾക്കായി പ്രിൻസിപ്പൽ തന്റെ മൊബൈൽ ഫോൺ വിദ്യാർഥികൾക്ക് നൽകിയിരുന്നു. ഫോൺ ഉപയോഗിക്കുന്നതിനിടെ ഗാലറി പരിശോധിച്ച വിദ്യാർഥികൾ മോർഫ് ചെയ്ത അശ്ലീല ചിത്രങ്ങൾ കണ്ടെത്തുകയായിരുന്നു. സ്വന്തം സ്കൂളിലെ കുട്ടികളുടെ തന്നെ ചിത്രങ്ങളാണ് ഇത്തരത്തിൽ ദുരുപയോഗം ചെയ്തതെന്ന് പരാതിയിൽ പറയുന്നു. തുടർന്ന് വിദ്യാർഥികൾ അധ്യാപകരെയും വീട്ടുകാരെയും വിവരം അറിയിക്കുകയായിരുന്നു. കേസിൽ അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.