12 ദശലക്ഷം ചതുരശ്ര അടി വിസ്തീർണ്ണമുള്ള ഈ മാൾ ലോകത്തിലെ ഏറ്റവും ഉയരം കൂടിയ കെട്ടിടമായ ബുർജ് ഖലീഫയുമായി ബന്ധിപ്പിച്ചിട്ടുണ്ട്. മാളിന്റെ ഡെവലപ്പർ ആയ എമാർ പ്രോപ്പർട്ടീസ് ഈ ആഴ്ചയാണ് വികസനപദ്ധതിയുടെ വിശദാംശങ്ങൾ പ്രഖ്യാപിച്ചത്. മാളില്‍ 240 പുതിയ ആഡംബര സ്റ്റോറുകളും ഫുഡ് സ്റ്റോറുകളും പുതുതായി കൊണ്ടുവരും. ആഗോളതലത്തിൽ തന്നെ സഞ്ചാരികളുടെ പ്രധാന ആകർഷണകേന്ദ്രമായ ദുബായ് നഗരത്തെ മുന്നോട്ടുള്ള കാലത്തും അതേ പ്രൗഢിയോടെ നിലനിർത്താനുള്ള ശ്രമങ്ങളുടെ ഭാഗമായാണ് പുതിയ വികസന പദ്ധതികൾ എന്ന് എമാർ സ്ഥാപകൻ മുഹമ്മദ് അലബ്ബാർ പ്രസ്താവനയിൽ പറഞ്ഞു.
advertisement
കോവിഡ്-19 വ്യാപിച്ച കാലത്ത് വാക്സിനേഷൻ കാംപെയിനുകൾ കൃത്യമായി നടത്തി, ജനജീവിതം സ്തംഭിപ്പിക്കാതെ ദുബായ് നഗരം ലോകത്തിനു തന്നെ മാതൃകയായിരുന്നു. പിന്നീട് എക്സ്പോ 2020, സിഒപി 28 തുടങ്ങിയ പ്രധാന അന്താരാഷ്ട്ര പരിപാടികൾക്ക് ദുബായ് ആതിഥേയത്വം വഹിച്ചു. 10 വർഷത്തെ "ഗോൾഡൻ" വിസകൾ പ്രാബല്യത്തിൽ കൊണ്ട് വരുകയും ബിസിനസുകൾക്കുള്ള വിദേശ ഉടമസ്ഥാവകാശ നിയമങ്ങളിൽ ഇളവ് വരുത്തുകയും ചെയ്തു. യുക്രൈൻ അധിനിവേശത്തിന് ശേഷം റഷ്യയിൽ നിന്നും ഒരുപാടുപേർ താമസത്തിനായി ദുബായിൽ എത്തിച്ചേർന്നിരുന്നു . കഴിഞ്ഞ വർഷം 10.5 കോടി പേരാണ് ദുബായ് മാൾ സന്ദർശിച്ചത്. 2022 നെ അപേക്ഷിച്ച് 19 ശതമാനത്തിന്റെ വർദ്ധനവ് രേഖപ്പെടുത്തിയതെന്ന് എമാർ റിപ്പോർട്ട് പറയുന്നു.