ദുബായിയിലേക്കുള്ള യാത്രക്കാർ ശ്രദ്ധിക്കുക; നിയമം കർശനം, മുൻ‌കൂർ അനുമതി നിർബന്ധം

പെട്ടെന്നുണ്ടായ സാഹചര്യത്തിൽ ഈ വിവരം അറിയാതെ എത്തി വിമാനത്താവളത്തിൽ കുടുങ്ങിയ 300 യാത്രക്കാർക്ക് രാജ്യത്തേക്ക് കടക്കാൻ അനുമതി ലഭിച്ചിട്ടുണ്ട്. ഇതിൽ മലയാളികളും ഉൾപ്പെടും. ഇവരുടെ രേഖകൾ പരിശോധിക്കാൻ ദുബായ് ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിൻ അഫയേഴ്സ് പ്രത്യേക സംഘം വിമാനത്താവളത്തിലെത്തി.

താമസ വിസക്കാർ യു.എ.ഇ.യിലേക്ക് വരാൻ അനുമതി നേടണമെന്ന നിയമം മുൻപ് ഉപേക്ഷിച്ചിരുന്നു.

കോവിഡ് സാഹചര്യത്തിൽ വിസ സാഹചര്യങ്ങൾ എപ്പോൾ വേണമെങ്കിലും മാറാൻ സാധ്യതയുള്ളതിനാൽ ടോൾ ഫ്രീ നമ്പറിൽ ബന്ധപ്പെടണമെന്ന് ജിഡിആർഎഫ്എ തലവൻ മേജർ ജനറൽ മുഹമ്മദ്‌ അഹ്‌മദ്‌ അൽ മറി അറിയിച്ചു. വിസയുമായി ബന്ധപ്പെട്ടുള്ള നിയമങ്ങൾ അറിയാൻ 8005111 എന്ന ടോൾഫ്രീ നമ്പറിൽ ബന്ധപ്പെടാം. വിദേശ രാജ്യങ്ങളിൽ നിന്നുള്ളവർ 00971 4313999 എന്ന നമ്പറിലേക്ക് വിളിക്കാം. ഇതിനു പുറമെ amer@dnrd.ae എന്ന ഇ-മെയിൽ വിലാസത്തിലൂടെയും വെബ്‌സൈറ്റിലെ ചാറ്റ് ബോക്സിലൂടെയും പുതിയ വിവരങ്ങൾ അറിയാൻ സൗകര്യമുണ്ട്.

advertisement