എം.എ. യൂസഫലിയുടെ അബുദാബിയിലെ വീട്ടിൽ രജനികാന്തിന്റെ മാസ് എൻട്രി: റോൾസ് റോയ്സിൽ യാത്രയും

ലുലു ഗ്രൂപ്പ് ഇന്റർനാഷനലിന്റെ ഗ്ലോബല്‍ ഹെഡ് ക്വാർട്ടേഴ്സിലാണ് രജനികാന്ത് ആദ്യം എത്തിയത്. അവിടെ നിന്നും റോൾസ് റോയ്സിൽ ഡ്രൈവ് ചെയ്താണ് യൂസഫലി അദ്ദേഹത്തെ തന്റെ വീട്ടിലേക്ക് സ്വീകരിച്ചത്. യൂസഫലിയുടെ വീട്ടില്‍ ഏറെ സമയം ചെലവഴിച്ച ശേഷമാണ് താരം മടങ്ങിയത്.

രജനിയുടെയും യൂസഫലിയുടേയും കാർ യാത്രയുടെ വിഡിയോ സമൂഹമാധ്യമങ്ങളിൽ വൈറലാണ്. രജനികാന്തിനെ അരികിലിരുത്തി റോൾസ് റോയ്സ് കാർ ഡ്രൈവ് ചെയ്യുന്ന യൂസഫലിയാണ് വീഡിയോയിലുള്ളത്. വീഡിയോ നിമിഷ നേരം കൊണ്ട് വൈറലായി.