രാജ്യത്ത് അബോർഷൻ നടത്തുന്നതിന് പുതിയ മാർഗനിർദേശങ്ങളുമായി യുഎഇ

ആരോഗ്യ- രോഗപ്രതിരോധ മന്ത്രാലയത്തിന്റെയോ എമിറേറ്റ് ഹെൽത്ത് അതോറിറ്റി മേധാവിയുടെയോ തീരുമാനപ്രകാരം അതതു മേഖലാ ആരോഗ്യ സമിതിയാണ് ഗർഭഛിദ്ര അഭ്യർഥനകളിൽ തീരുമാനം എടുക്കുക.ഗൈനക്കോളജി സ്‌പെഷ്യലിസ്റ്റ്, സൈക്യാട്രി സ്പെഷ്യലിസ്റ്റ്, പബ്ലിക് പ്രോസിക്യൂഷൻ പ്രതിനിധി എന്നിവർ ഉൾപ്പെടെ മൂന്ന് ഡോക്ടർമാർ ഉൾപ്പെടുന്നതായിരിക്കും ഈ കമ്മിറ്റി. കൂടാതെ ആവശ്യമുള്ളപ്പോള്‍ ഉചിതമായ മൂന്നാംകക്ഷിയെ സമീപിക്കാനും കമ്മിറ്റിക്ക് അനുമതിയുണ്ട്.

ഗർഭഛിദ്രം നടത്തുന്നതിനുള്ള പുതിയ മാനദണ്ഡങ്ങൾ

1. ഗർഭിണിയുടെ ജീവന് അപകടമുണ്ടാകുകയോ ജനിക്കാൻ പോകുന്ന കുഞ്ഞിന് ഗുരുതരമായ വൈകല്യങ്ങൾ ഉണ്ടാവുകയോ ചെയ്യുന്ന സാഹചര്യങ്ങളിൽ നിയമവിധേയമായി ഗർഭഛിദ്രം നടത്താൻ അനുവദിക്കും

advertisement

2. ഗർഭകാലം 120 ദിവസം പിന്നിട്ടവരില്‍ ഗർഭഛിദ്രം പാടില്ലെന്നും നിബന്ധനയുണ്ട്.
3. ഗർഭിണിയുടെ ജീവന് ഹാനി സംഭവിക്കാത്ത വിധം ലൈസൻസുള്ള ആരോഗ്യ പരിരക്ഷാ സ്ഥാപനത്തിൽ സ്പെഷലിസ്റ്റ് ഒബ്‌സ്റ്റട്രീഷ്യൻ-ഗൈനക്കോളജിസ്റ്റിനെക്കൊണ്ടു മാത്രമേ ഗർഭഛിദ്രം നടത്താവൂ.
4. ഗർഭഛിദ്രം നടത്തുന്ന സ്ത്രീകൾക്ക് ആവശ്യമായ എല്ലാ സൗകര്യങ്ങളും ഒരുക്കുകയും ജീവനക്കാർ അവർക്കുവേണ്ട സേവനങ്ങൾ ചെയ്യുന്നുണ്ടോ എന്നതും ഉറപ്പാക്കാൻ പുതിയ നയങ്ങൾ കൊണ്ടുവരും.
5. ഗർഭഛിദ്രത്തിന് വിധേയമാകുന്ന ഗർഭിണിയുടെ സ്വകാര്യതയും രഹസ്യാത്മകതയും നിലനിർത്താൻ യുഎഇയിലെ ആരോഗ്യ സംരക്ഷണ സൗകര്യങ്ങളും പുതിയ മാർഗ്ഗനിർദ്ദേശത്തിൽ ഉൾപ്പെടുത്തിയിട്ടുണ്ട്.
advertisement
6. ഗർഭഛിദ്രം നടത്താൻ ലൈസൻസുള്ള ആരോഗ്യ സംരക്ഷണ കേന്ദ്രങ്ങളുടെ പ്രവർത്തനങ്ങള്‍ നിരീക്ഷിക്കുകയും മേല്‍നോട്ടം വഹിക്കുകയും അവ പാലിക്കുന്നുണ്ടോയെന്ന് വിലയിരുത്തുകയും ചെയ്യേണ്ടത് ആരോഗ്യ അതോറിറ്റിയുടെ ഉത്തരവാദിത്തമാണ്.

മികച്ച വീഡിയോകൾ

എല്ലാം കാണുക

ബ്രിട്ടീഷ് അധിനിവേശത്തിൻ്റെ ഓർമ്മപ്പെടുത്തലുമായി ബംഗ്ളാംകുന്ന്

എല്ലാം കാണുക