കൊറോണ വൈറസിനെ പരാജയപ്പെടുത്താനുള്ള രാജ്യത്തിന്റെ കൂട്ടായ ദൃഢനിശ്ചയം പ്രകടിപ്പിക്കുന്നതിനായി ഞായറാഴ്ച രാത്രി ഒൻപത് മണിയോടെ വീടുകളിൽ വൈദ്യുതവിളക്കുകൾ അണച്ച് വിളക്കുകൾ, മെഴുകുതിരികൾ, മൊബൈൽ ഫോൺ ടോർച്ചുകൾ എന്നിവ കത്തിക്കണമെന്നാണ് നരേന്ദ്ര മോദി വെള്ളിയാഴ്ച ആവശ്യപ്പെട്ടത്.
രാജ്യമൊന്നാകെ പെട്ടെന്ന് വൈദ്യുത ഉപകരണങ്ങൾ ഓഫാക്കുന്നതുവഴി ഗ്രിഡിന് തകരാർ സംഭവിക്കുമോയെന്ന ആശങ്ക വ്യാപകമായിരുന്നു. "ഇത് ഗ്രിഡിൽ വോൾട്ടേജ് വ്യതിയാനത്തിനും അസ്ഥിരതയ്ക്കും കാരണമാകുമെന്നും വൈദ്യുത ഉപകരണങ്ങളെ ദോഷകരമായി ബാധിക്കുമെന്നും ചിലർ ആശങ്കകൾ പ്രകടിപ്പിച്ചിട്ടുണ്ട്. ഈ ആശങ്കകൾ തെറ്റാണ്," കേന്ദ്ര ഊർജ്ജ മന്ത്രാലയം പ്രസ്താവനയിൽ പറഞ്ഞു, തെരുവ് വിളക്കുകൾ ഓഫ് ചെയ്യാൻ ആഹ്വാനമില്ല. അതുപോലെ കമ്പ്യൂട്ടറുകൾ, ടെലിവിഷനുകൾ, ഫാനുകൾ, റഫ്രിജറേറ്ററുകൾ, വീടുകളിലെ എയർകണ്ടീഷണറുകൾ തുടങ്ങിയ ഉപകരണങ്ങളും ഓഫാക്കേണ്ടതില്ല.
advertisement
You may also like:COVID 19| കുവൈറ്റിൽ 24 മണിക്കൂറിനിടെ 75 പേർക്ക് കോവിഡ്; 42പേരും ഇന്ത്യക്കാർ [NEWS]COVID 19| നാട്ടിലെത്താൻ 500 കി.മീ. നടന്ന അതിഥി തൊഴിലാളി വഴിമധ്യേ മരിച്ചു [NEWS]COVID 19| ഇന്ത്യയിൽ ലോക്ക്ഡൗൺ നിയന്ത്രണങ്ങൾ സെപ്റ്റംബർ വരെ തുടർന്നേക്കും: റിപ്പോർട്ട് [NEWS]
തെരുവ് വിളക്കുകളോ "വീടുകളിലെ ഉപകരണങ്ങളോ സ്വിച്ച് ഓഫ് ചെയ്യാൻ ആരും ആഹ്വാനം ചെയ്തിട്ടില്ല. ലൈറ്റുകൾ മാത്രം ഓഫ് ചെയ്യണം," അതാണ് പ്രധാനമന്ത്രി പറഞ്ഞിട്ടുള്ളത്. ആശുപത്രികളിലെയും മറ്റ് അവശ്യ സേവനങ്ങളിലെയും ലൈറ്റുകൾ പ്രവർത്തിപ്പിക്കണം. പൊതു സുരക്ഷയ്ക്കായി തെരുവ് വിളക്കുകൾ സ്ഥാപിക്കാൻ തദ്ദേശ സ്വയംഭരണ സ്ഥാപനങ്ങളോട് നിർദ്ദേശിച്ചിട്ടുണ്ട്.
എല്ലാ കാര്യങ്ങളും ശ്രദ്ധിച്ചിരിക്കുന്നതിനാൽ ഗ്രിഡ് സ്ഥിരതയെ ബാധിക്കില്ലെന്ന് ഊർജ മന്ത്രാലയം വക്താവ് അറിയിച്ചു. ഗ്രിഡിന് അസ്ഥിരതയുണ്ടാകാതിരിക്കാൻ ഫാൻ പ്രവർത്തിപ്പിക്കണമെന്ന ന്യൂക്ലിയർ പവർ കോർപ്പറേഷൻ ഓഫ് ഇന്ത്യ ലിമിറ്റഡിന്റെ (എൻ‌പി‌സി‌എൽ) മുതിർന്ന ഉദ്യോഗസ്ഥരുടെ അഭ്യർഥനയാണ് ആശങ്കയുണ്ടാക്കിയത്.