കാനഡ‍യിൽ സഹപാഠികളുടെ ആക്രമണത്തിൽ ഇന്ത്യൻ വിദ്യാർത്ഥി കൊല്ലപ്പെട്ടു

ഒരു വർഷത്തിന് മുമ്പാണ് ഗുർകിരത് സിംഗ് കാനഡയിലേക്ക് പോയത്. കാനഡയിലെ ചാർലി തടാകത്തിന് സമീപത്ത് വച്ചാണ് ആക്രമണം നടന്നത്. സഹപാഠികളുമായി ഗുർകിരത് സിംഗ് വാക്കുതർക്കത്തിലേർപ്പെട്ടിരുന്നു. തുടർന്ന് ​ഗുരുതരമായി പരിക്കേറ്റ വിദ്യാർത്ഥിയെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

കാനഡയിലെ നോർത്തേൺ ലൈറ്റ്സ് കോളേജിലെ വിദ്യാർത്ഥിയായിരുന്നു ഗുർകിരത് സിംഗ്. സുഹൃത്താണ് മരണവാർത്ത കുടുംബത്തെ അറിയിച്ചത്. സെന്‍റ് ജോണ്‍ സിറ്റിയിലാണ് അദ്ദേഹം താമസിച്ചിരുന്നത്.

മകന്‍റെ മൃതദേഹം എത്രയും വേഗം നാട്ടിലെത്തിക്കണമെന്ന് കുടുംബം സര്‍ക്കാരിനോട് ആവശ്യപ്പെട്ടു. സംഭവത്തെ കുറിച്ച് അന്വേഷണം നടത്തണമെന്നും കൊലപാതകത്തിൽ ദുരൂഹതയുണ്ടെന്നും മാതാപിതാക്കൾ ആരോപിച്ചു.

advertisement