സീറ്റിൽ കുഷ്യൻ ഇല്ലെന്നത് ശ്രദ്ധയിൽപ്പെട്ടപ്പോൾ തന്നെ ക്രൂ അംഗങ്ങളെ സാഗരിക വിവരമറിയിച്ചിരുന്നു എന്നാൽ ഏറെ നേരം കഴിഞ്ഞാണ് മറ്റൊരു കുഷ്യൻ വച്ച് പ്രശ്നം പരിഹരിച്ചത്.
ഈ സംഭവം പരാമർശിച്ച് സുബ്രത് തന്റെ എക്സ് അക്കൗണ്ടിൽ പങ്ക് വച്ച പോസ്റ്റ്‌ വൈറലായതിനെത്തുടർന്നാണ് ഇൻഡിഗോ വിശദീകരണവുമായി രംഗത്ത് എത്തിയത്.
Also Read- IndiGo Airline | ഇന്ത്യയിലെ ഏറ്റവും വലുതും ജനപ്രിയവുമായ എയര്‍ലൈനായി ഇന്‍ഡിഗോ വളർന്നത് എങ്ങനെ?
advertisement
" ഇത് സംഭവിക്കാൻ പാടില്ലാത്ത ഒന്നായിരുന്നു. ചില സമയങ്ങളിൽ കുഷ്യൻ സീറ്റിൽ നിന്ന് വേർപെട്ട് പോകും. ഞങ്ങളുടെ ക്രൂ അംഗങ്ങൾ ആ പ്രശ്നം പരിഹരിക്കും. നിങ്ങളുടെ പരാതി ഞങ്ങൾ ബന്ധപ്പെട്ടവരിലേക്ക് ഉറപ്പായും കൈമാറും. ഭാവിയിൽ താങ്കൾക്ക് മികച്ച സേവനം ലഭിക്കുമെന്ന് പ്രതീക്ഷിക്കുന്നു " എന്നതായിരുന്നു വിമാനക്കമ്പനി നൽകിയ മറുപടി.
യാത്രക്കാർ കയറുന്നതിന് മുൻപ് ഒരിക്കൽപോലും ക്രൂ അംഗങ്ങൾ ഇത് കണ്ടില്ലേ എന്നതാണ് സുബ്രതിന്റെ ചോദ്യം.
Also Read-വിമാനത്തിനുള്ളിൽ യാത്രക്കാരന്‍ മരിച്ചു; ഡൽഹി- ദോഹ ഇന്‍ഡിഗോ വിമാനം കറാച്ചിയില്‍ ഇറക്കി
" ഒരു കാരണവശാലും യാത്രക്കാർക്ക് വിമാനങ്ങളിൽ മോശം സീറ്റുകൾ നൽകരുത്.ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (DGCA) ഇതുമായി ബന്ധപ്പെട്ട് മൂൻപ് വിമാനക്കമ്പനികൾക്ക് താക്കീത് നൽകിയിരുന്നു. എന്നിട്ടും ഇങ്ങനെ സംഭവിച്ചുവെങ്കിൽ ഉറപ്പായും ഡിജിസിഎ (DGCA)ഇതിന്മേൽ നടപടി സ്വീകരിക്കണം " എന്ന് വ്യോമയാന വിദഗ്ദൻ ധൈര്യശിൽ വന്ദേകർ ടൈംസ് ഓഫ് ഇന്ത്യയോട് പറഞ്ഞു.