"ഇത്തരം സംഭവങ്ങൾ പലയിടത്തും നടന്നിട്ടുണ്ട്. ഇപ്പോൾ അവിടെയും ഇവിടെയും നടന്നുവെന്ന് പറഞ്ഞുകൊണ്ട് ഞാൻ ഇതിനെ ന്യായീകരിക്കാൻ പോകുന്നില്ല. കുംഭമേളയിൽ 50-60 പേർ മരിച്ചു, ഞാൻ അതിനെ വിമർശിച്ചിട്ടില്ല," തിക്കിലും തിരക്കിലും പെട്ട സംഭവത്തെക്കുറിച്ച് വാർത്താസമ്മേളനത്തിൽ മാധ്യമങ്ങളോട് മുഖ്യമന്ത്രി പറഞ്ഞു.
ഇതും വായിക്കുക: RCB പരേഡിലെ അപകടത്തിൽ മരിച്ചവരിൽ കുട്ടിയും? സ്ത്രീകളടക്കം 11 മരണം; നിരവധി പേർക്ക് പരിക്ക്
"കോൺഗ്രസ് വിമർശിച്ചാൽ അത് വ്യത്യസ്തമായ കാര്യമാണ്. ഞാനോ കർണാടക സർക്കാരോ വിമർശിച്ചോ?" അദ്ദേഹം ചോദിച്ചു. തിക്കിലും തിരക്കിലും പെട്ട സംഭവത്തിൽ സിദ്ധരാമയ്യ ദുഃഖം രേഖപ്പെടുത്തുകയും പരിക്കേറ്റവർക്ക് സൗജന്യ ചികിത്സ പ്രഖ്യാപിക്കുകയും ചെയ്തു. "വിജയാഘോഷത്തിനിടെ ഒരു വലിയ ദുരന്തം സംഭവിച്ചു. ചിന്നസ്വാമി സ്റ്റേഡിയത്തിന് സമീപമാണ് അത് സംഭവിച്ചത്. മരിച്ചവരുടെ കുടുംബങ്ങള്‍ക്ക് സർക്കാർ 10 ലക്ഷം രൂപ നഷ്ടപരിഹാരം പ്രഖ്യാപിച്ചു. പരിക്കേറ്റവർക്ക് സർക്കാർ സൗജന്യ ചികിത്സ നൽകും," മുഖ്യമന്ത്രി പറഞ്ഞു.
advertisement
“തിക്കിലും തിരക്കിലും 11 പേർ മരിച്ചു, 33 പേർക്ക് പരിക്കേറ്റു. ഈ ദുരന്തം സംഭവിക്കാൻ പാടില്ലായിരുന്നു. ഈ സംഭവത്തിൽ സർക്കാർ അഗാധമായ ദുഃഖം പ്രകടിപ്പിക്കുന്നു.” വിഷയത്തിൽ മജിസ്ട്രേറ്റ് അന്വേഷണത്തിന് ഉത്തരവിട്ടതായും സിദ്ധരാമയ്യ പറഞ്ഞു.
“ഈ സംഭവത്തെ ന്യായീകരിക്കാൻ ഞാൻ ആഗ്രഹിക്കുന്നില്ല. ഞങ്ങളുടെ സർക്കാർ ഇതിൽ രാഷ്ട്രീയം കളിക്കില്ല. 15 ദിവസത്തിനുള്ളിൽ മജിസ്ട്രേറ്റ് അന്വേഷണത്തിന് ഞാൻ ഉത്തരവിട്ടിട്ടുണ്ട്. ആളുകൾ സ്റ്റേഡിയത്തിന്റെ ഗേറ്റുകൾ പോലും തകർത്തു. തിക്കിലും തിരക്കിലും പെട്ടു. ഇത്രയും വലിയ ജനക്കൂട്ടം ആരും പ്രതീക്ഷിച്ചിരുന്നില്ല. സ്റ്റേഡിയത്തിൽ 35,000 പേർക്ക് മാത്രമേ ഇരിക്കാൻ കഴിയൂ, പക്ഷേ ഏകദേശം മൂന്ന് ലക്ഷം ആളുകൾ എത്തി,” സിദ്ധരാമയ്യ പറഞ്ഞു.
ഇതും വായിക്കുക: ദുരന്തത്തിനിടയിലും ആഘോഷം തുടർന്ന് RCB
ആർ‌സി‌ബി ടീമിന്റെ ഐ‌പി‌എൽ വിജയാഘോഷത്തിൽ പങ്കെടുക്കാൻ ചിന്നസ്വാമി സ്റ്റേഡിയത്തിന് പുറത്ത് വൻ ജനക്കൂട്ടമാണ് തടിച്ചുകൂടിയത്. ഭൂമിക് (20), സഹന (19), പൂർണചന്ദ് (32), ചിന്മയി (19), ദിവ്യാൻഷി (13), ശ്രാവൺ (20), ദേവി (29), ശിവലിംഗ് (17), മനോജ് കുമാർ (33), അക്ഷത എന്നിവരാണ് മരിച്ചത്. ഏകദേശം 20 വയസ്സ് പ്രായമുള്ള ഒരാളെ ഇതുവരെ തിരിച്ചറിഞ്ഞിട്ടില്ല.
ചൊവ്വാഴ്ച അഹമ്മദാബാദിൽ നടന്ന ഫൈനലിൽ പഞ്ചാബ് കിംഗ്‌സിനെ ആറ് റൺസിന് തോൽപ്പിച്ചാണ് ആർ‌സി‌ബി അവരുടെ കന്നി ഐ‌പി‌എൽ കിരീടം നേടിയത്. മുമ്പ് മൂന്ന് തവണ റണ്ണേഴ്‌സ് അപ്പായ ശേഷം ടീമിന് 18 വർഷത്തെ കാത്തിരിപ്പിനൊടുവിലാണ് ട്രോഫി ഉയർത്താൻ കഴിഞ്ഞത്.
Summary: Hours after 11 people lost their lives in a stampede near Bengaluru’s Chinnaswamy Stadium, Chief Minister Siddaramaiah said he would not justify the mishap by drawing comparisons with similar tragedies elsewhere, like the Maha Kumbh Mela.